ඕස්ට්‍රේලියාවේ නිවාස අර්බුදයට පිළියමක් සඳහා නව සමාජ නිවාස 750,000ක් අවශ්‍යයි.

නරක අතට හැරෙමින් පවතින නිවාස නොමැතිකම පිළිබඳ අර්බුදය විසඳීම සඳහා තීරණාත්මක ක්‍රියාමාර්ගයක් ගන්නා ලෙස ඕස්ට්‍රේලියානු රජයට බලකරමින් නිවාස අර්බුදය පිළිබඳව මහජන කොමිසම විසින් තීරණාත්මක වාර්තාවක් නිකුත් කර තිබේ. නිවාස අර්බුධයට මුහුණ දෙන ඕස්ට්‍රේලියානුවන් 1,500කට අධික සංඛ්‍යාවකගේ සාක්ෂි මත පදනම් වූ වාර්තාවක් ද ඉදිරිපත් කර ඇත. දශක දෙකක් ඇතුළත නව සමාජ නිවාස 750,000ක් නිර්මාණය කරන ලෙස ඉල්ලා සිටී.ආයෝජකයින්ගේ බදු සහන අහෝසි කිරීම, ජාතික කුලී ප්‍රතිසංස්කරණ ක්‍රියාත්මක කිරීම සහ සමාජ නිවාස සුදුසුකම් පුළුල් කිරීම ප්‍රධාන ඉල්ලීම් අතර වේ.සම-කොමසාරිස්වරුන් වන ඩග් කැමරන් සහ මහාචාර්ය නිකොල් ගුරාන් අවධාරණය කරන්නේ අසාර්ථක ප්‍රතිපත්ති නිවැරදි කිරීමට සහ තවදුරටත් සමාජ බෙදීම් වැලැක්වීමට රජයේ ඉක්මන් ක්‍රියාමාර්ග අත්‍යාවශ්‍ය බවයි. සියලුම ඕස්ට්‍රේලියානුවන් සඳහා දැරිය හැකි සහ සුරක්ෂිත නිවාස සහතික කිරීමට කඩිනම් ක්‍රියාමාර්ග ගන්නා ලෙස ඉල්ලා සිටිමින් පුද්ගලයන්ට සහ ප්‍රජාවන්ට ප්‍රමාණවත් නිවාස විසඳුම් නොමැතිකමේ දැඩි බලපෑම මෙම වාර්තාව මගින් තවදුරටත් අවධාරණය කරයි.