ඕස්ට්‍රේලියාවේ පැරසිටමෝල් අලෙවිය සඳහා නව සීමාවන් ක්‍රියාත්මක වේ.

පෙබරවාරි 1 වන දින සිට, අධික මාත්‍රාව සහ අක්මා හානි අවම කිරීම සඳහා ඕස්ට්‍රේලියාව පුරා පැරසිටමෝල් අලෙවියේ සැලකිය යුතු වෙනස්කම් ක්‍රියාත්මක කෙරේ. නව රෙගුලාසි යටතේ, සුපිරි වෙළඳසැල් සහ ෆාමසි නොවන සිල්ලර වෙළෙන්දන්ට ටැබ්ලට් 16 ක ඇසුරුම් පමණක් විකිණීමට අවසර දෙන අතර, සියලුම පැරසිටමෝල් නිෂ්පාදන blister ඇසුරුම්වල අලෙවි කිරීම සහ එක් අවස්ථාවක මිලදී ගැනීම් එක් පැකට්ටුවකට සීමා කිරීම ද මේ හරහා සිදු කරනු ලැබේ.මෙම නව සීමාව ඖෂධ අලෙවියට ද බලපා තිබේ. ටැබ්ලට් 50 කට වඩා අඩංගු ඇසුරුම්වලට ඖෂධවේදී අධීක්ෂණය අවශ්‍ය වේ. ක්වීන්ස්ලන්තයේ සහ බටහිර ඕස්ට්‍රේලියාවේ, ටැබ්ලට් 16 කට වඩා මිලදී ගැනීමට පාරිභෝගිකයින් ඖෂධවේදියෙකුගෙන් උපදෙස් ලබා ගත යුතුය.TGA වාර්තා කරන්නේ පැරසිටමෝල් අධික මාත්‍රා නිසාවෙන් වාර්ෂිකව ඕස්ට්‍රේලියානුවන් 50 ක් මිය යන බවත්, අක්මාවට හානි වීම හේතුවෙන් 255 ක් රෝහල් ගත කර ඇති බවත්ය. තරුණ ඕස්ට්‍රේලියානුවන් අතර අධික මාත්‍රාවෙන් 50% කට පැරසිටමෝල් සම්බන්ධ වන බව පර්යේෂණවලින් හෙළි වී තිබේ.