ලෝක සෞඛ්‍ය සංවිධානය ට අනුව, වයඹදිග කොංගෝවේ හඳුනා නොගත් රෝගයකින් පුද්ගලයින් 50 කට වැඩි පිරිසක් මිය ගොස් ඇති බවට වාර්තා වේ.
බොහෝ අවස්ථාවන්හිදී රෝග ලක්ෂණ හදුනාගෙන පැය 48 ක් අතර කාලයක් තුළ පුද්ගලයන් මියයාම සිදුවන බව සඳහන් ය.
ජනවාරි 21 වන දින වසංගතය ආරම්භ වී ඇති අතර, මරණ 53 ක් ඇතුළුව රෝගීන් 419 ක් වාර්තා වී ඇත.
ලෝක සෞඛ්‍ය සංවිධානයේ අප්‍රිකානු කාර්යාලයට අනුව, Boloko නගරයේ පළමු වසංගතය ආරම්භ වී ඇත්තේ දරුවන් තිදෙනෙකු වවුලෙකු අනුභව කර රක්තපාත උණ රෝග ලක්ෂණ වලින් පැය 48 ක් ඇතුළත මිය යාමෙන් පසුව බව ද
වන සතුන් ජනප්‍රියව ආහාරයට ගන්නා ස්ථානවල සතුන්ගෙන් මිනිසුන්ට පැතිරෙන රෝග පිළිබඳව බොහෝ කලක සිට තර්ජනයක් බවට පත්ව තිබේ.
පසුගිය දශකය තුළ අප්‍රිකාවේ එවැනි පැතිරීම් සංඛ්‍යාව 60% කට වඩා වැඩි වී ඇති බව 2022 දී WHO පැවසීය.
පෙබරවාරි 9 වන දින Bomate නගරයේ වත්මන් රෝගයේ දෙවන පැතිරීම ආරම්භ වූ පසු, රෝගීන් 13 දෙනෙකුගේ සාම්පල කොංගෝවේ අගනුවර වන කිංෂාසා හි ජෛව වෛද්‍ය පර්යේෂණ සඳහා වූ ජාතික ආයතනයට පරීක්ෂණ සඳහා යවා ඇති බව WHO පවසා තිබේ.
