ඉන්දියාවේ දිල්ලි නගරය ආසන්නයේ අද (17) අලුයම භූකම්පනයක් හට ගෙන ඇතැයි විදෙස් මාධ්‍ය වාර්තා සඳහන් කරයි.
එම භූ කම්පනය රික්ටර් මාපක 4.0ක් ලෙස සටහන්ව තිබෙන අතර පොළොව මට්ටමට කිලෝමීටර 5 ක් පමණ ගැඹුරින් මෙය හට ගෙන ඇති බව එරට භූ කම්පන විද්‍යා ජාතික මධ්‍යස්ථානය පවසා තිබේ.
මේ සම්බන්ධයෙන් X පණිවුඩයක් ඉන්දීය අගමැති නරේන්ද්‍ර මෝදි නිකුත් කර ඇති අතර දිල්ලි සහ අවට ප්‍රදේශවල පදිංචිකරුවන්ට ඔහු පවසා ඇත්තේ සන්සුන්ව සහ ආරක්ෂක පියවරයන් අනුගමනය කරන ලෙසටයී.
