Bairnsdaleහි ලින්ඩ් පාලම අසල bull shark දැකීමෙන් පසු වික්ටෝරියා හි Gippsland ප්‍රදේශයේ පිහිනන්නන්ට මිචෙල් ගඟෙන් බැහැරව සිටින ලෙස අනතුරු අඟවා තිබේ. මෙල්බර්න් නගරයට කිලෝමීටර් 280ක් පමණ නැගෙනහිරින් පිහිටි මිචෙල් ගඟේ මෝරා සිටින බව පළපුරුදු ධීවරයෙකු වාර්තා කිරීමෙන් පසුව මෙම අනතුරු ඇඟවීම සිදු විය.මෙම ප්‍රදේශය මසුන් ඇල්ලීම සඳහා ප්‍රදේශවාසීන් අතර ඉතා ජනප්‍රියව පවතී.වික්ටෝරියා ධීවර අධිකාරියේ (VFA) බලධාරීන් අඟහරුවාදා(10) මෙම අනතුරු ඇඟවීම නිකුත් කර ඇති අතර, මෙම ප්‍රදේශවල පිහිනීමෙන් වළකින ලෙසත් මෝරුන් ආකර්ෂණය කර ගත හැකි විශාල මාළු, සීල් හෝ වෙනත් වන සතුන්ගෙන් ඈත් වන ලෙසත් උපදෙස් ලබා දී ඇත.මෝරාගේ දර්ශනය වීම පිළිබදව තහවුරු කර නොමැති අතර, VFA හි අධ්‍යාපන සහ බලාත්මක කිරීමේ අධ්‍යක්ෂ Ian Parks මහජනතාවගෙන් ඉල්ලා සිටියේ අවදියෙන් සිටින ලෙසයි.මෙම වර්ගයේ මෝරුන්, වික්ටෝරියානු මුහුදේ දුර්ලභ වුවද, කලාපයේ, විශේෂයෙන් නැගෙනහිර ගිප්ස්ලන්ඩ් වෙරළ තීරයේ වාර්තා වී ඇත.මෑත වසරවලදී ඔවුන්ගේ දර්ශන වැඩි වී ඇත. මෙම මෝරුන් ආක්‍රමණශීලී සතුන් වර්ගයක් ලෙස ප්‍රසිද්ධ වී ඇති අතර, ගංගා සහ අතු ගංගා හරහා බොහෝ විට රට අභ්‍යන්තරයට පවා ගමන් කරන, කිවුල් සහ මිරිදිය පරිසරවලද වර්ධනය විය හැක.ඕස්ට්‍රේලියානු කෞතුකාගාරය විසින් මෙම මෝරුන් ඔවුන්ගේ ආක්‍රමණශීලී ස්වභාවය නිසා භයානක ලෙස විස්තර කර ඇති අතර, බොර මිරිදිය ගංගාවල බෝ වීමට ඇති හැකියාව නිසා පිහිනන්නන්ට ඔවුන්ගේ අවදානම තවත් වැඩි කරයි. මෝරෙකු දුටුවහොත් වහාම 000 අමතන ලෙස බලධාරීන් උපදෙස් දෙයි.