වැටුප් ආරවුල් මත සිඩ්නි ගුවන් තොටුපළේ සේවකයන් 50කට වැඩි පිරිසක් වැඩවර්ජනයේ
ඔස්ට්රේලියානු ගුවන් තොටුපළක සේවක සේවිකාවන් 50කට වැඩි පිරිසක් වැටුප් ආරවුල් මුල් කර ගනිමින් වැඩවර්ජනයක නිරත වීමට නියමිත අතර ප්රධාන ගුවන් සමාගම් කිහිපයකට සහ දිගු දුර ජාත්යන්තර ගුවන් ගමන්වලට මෙනිසා බලපෑම් එල්ල වේ.වැටුප් ආරවුල් මත ගුවන් තොටුපල සේවකයින් 50 කට වැඩි පිරිසක් රැකියාවෙන් තාවකාලිකව ඉවත්ව සිටින බැවින් ගුවන් සමාගම්වල දැනුම් දීම් පිළිබඳව අවධානයෙන් සිටින ලෙස සංචාරකයින්ගෙන් ඉල්ලා ඇත.
ප්රවාහන ඉන්ධන දැවැන්තයා වන ඇම්පෝල් ඒවියේෂන් සමඟ වැටුප් ආරවුලක් මුල් කර ගනිමින් සිඩ්නි ගුවන් තොටුපළ ඉන්ධන පිරවුම්කරුවන් සිකුරාදා (23) දින පැය 12ක වැඩවර්ජනයක් පැවැත්වීමට නියමිතය.
Ampol Aviation සමාගම මගින් Qantas, Virgin, Jetstar, Air New Zealand, Delta සහ British Airways ඇතුළුව ගුවන් සේවා 16ක් සපයයි.එනිසා මෙම වැඩ වර්ජනය නිසා ගුවන් ගමන් සදහා දැඩි බලපෑමක් එල්ල කරයි.
ප්රවාහන සේවක සංගමයට අනුව පසුගිය වසර තුන තුළ ඉන්ධන සපයන්නන්ගේ වැටුප වැඩි වී ඇත්තේ 3.5%කින් වුවත් ජීවන වියදම 15%කටත් වඩා වැඩි වී ඇති බව ඔවුන් පවසයි.සේවකයින් 68 දෙනෙකුගෙන් 24 දෙනෙකු පමණක් පූර්ණ කාලීන තනතුරු දරන බැවින් ඉතිරි කම්කරුවන් ද රැකියාව සුරක්ෂිත කරන මෙන් ඉල්ලා සිටිති.
TWU NSW සහ Queensland ප්රාන්ත ලේකම් Richard Olsen පැවසුවේ කම්කරුවන්ට වර්ජනය කිරීම හැර වෙනත් විකල්පයක් නොමැති බවයි.ලාභ ඉහළ යන කර්මාන්තයක එය පවත්වාගෙන යන සේවකයින්ට එතරම් පහත් ලෙස සැලකීම පිළිගත නොහැකි බව ද ඔහු තවදුරටත් පවසා සිටියේය.
Perth සහ Darwin වෙත ගුවන් ගමන් ඇතුළු දිගු දේශීය ගුවන් ගමන් මාර්ගවලට මෙම වැඩ වර්ජනය බොහෝ දුරට බලපානු ඇති බවත් දිගු දුර ජාත්යන්තර ගුවන් ගමන් සහ මෙල්බර්න් සහ බ්රිස්බේන් වෙත නැඟෙනහිර වෙරළට යන ගුවන් ගමන් සදහා ද බොහෝ දුරට බලපානු ඇතැයි නිගමනය කෙරේ.
සිඩ්නි ගුවන් තොටුපල ප්රකාශකයෙකු විසින් සිකුරාදා (22) දින ගුවන් සමාගම්වලින් ලැබෙන පණිවිඩ පිළිබඳව විමසිලිමත් වන ලෙස සංචාරකයින්ගෙන් ඉල්ලා සිටියේය.ඔවුන්ගේ ගුවන් සේවා හවුල්කරුවන්ගෙන් ගුවන් ගමන් මෙහෙයුම්වලට ඇති බලපෑම අවම කිරීම සඳහා සහාය වීමට ඔවුන් සූදානම් බව ප්රකාශකයා වැඩිදුරටත් පැවසුවේය.
ප්රවාහන සේවක සංගමය නැවතත් කාර්මික ක්රියාමාර්ගවල නිරත වෙමින් තර්ජන එල්ල කිරීම ගැන ඇම්පෝල් සංගමය කලකිරීමට පත්ව සිටී. ඇම්පෝල් සංගම විසින් පවසමන්නේ ගිවිසුමේ ආයු කාලය තුළ 25.6% ක වේතනයක් සහ අනෙකුත් ප්රතිලාභ ඉහළ නැංවීමක් ලබා දී ඇති අතර, ගැටලුව විසඳීම සඳහා එහි සේවකයින් සහ නියෝජිතයන් සමඟ දිගටම සාකච්ඡා සිදුකරන බවයි.
