ඔක්ටේන් 95 පෙට්‍රල් සහ සුපිරි ඩීසල් ලීටරයක මිල රුපියල් 6 බැගින් අඩු කළ බව ලංකා ඛනිජ නීතිගත සංස්ථාව ඊයේ (31) පස්වරුවේ ප්‍රකාශ කර ඇත. ඒ අනුව ඔක්ටේන් 95 පෙට්‍රල් ලීටරයක නව මිල රුපියල් 371 ක් සහ සුපිරි ඩීසල් ලීටරයක නව මිල රුපියල් 313 ක් බව ද එම සංස්ථාව පවසයි. ඔක්ටේන් 92 ක පෙට්‍රල්, ලංකා සුදු ඩීසල් සහ භූමිතෙල් යන ඉන්ධන වර්ග තුනේ මිල වෙනස් නොවන බවත් ඒ අනුව ඔක්ටේන් 92 ක පෙට්‍රල් ලීටරයක මිල රුපියල් 311 ක, ලංකා සුදු ඩීසල් ලීටරයක මිල රුපියල් 283 සහ භූමිතෙල් ලීටරයක මිල රුපියල් 183 ක තවදුරටත් පවතින බව ද එම සංස්ථාව වැඩිදුරටත් සඳහන් කරයි.