නිවර්තන සුළි කුණාටුව Alfred මෙම සතියේ නැගෙනහිර ක්වීන්ස්ලන්තයට යම් අයහපත් කාලගුණයක් ගෙන ඒමට ඉඩ ඇති අතර, Alfred ක්වීන්ස්ලන්තයට බලපානු ඇතැයි නව අනාවැකියක් පළ කර ඇති අතර එයට අනුව මෙම කුණාටුව තුන්වන කාණ්ඩයේ කුණාටුවක් දක්වා ශක්තිමත් වනු ඇති බව සඳහන් ය.
දැනට පළමු කාණ්ඩයේ කුණාටුව ඊයේ සවස 4 ට පමණ (AEDT සවස 5) Coral Sea හරහා Cairns සිට කිලෝමීටර් 840 ක් පමණ නැගෙනහිරින් පිහිටි ප්‍රදේශයට ඉහළින් ඇති විය.
මෙම සුළි කුණාටුව “ඇන්තනි” ලෙස හැඳින්වීමට නියමිතව තිබුණද, ෆෙඩරල් මැතිවරණයක් එළඹෙන බැවින් අගමැති ඇන්තනි ඇල්බනීස් සමඟ කිසිදු ව්‍යාකූලත්වයක් ඇතිවීම වළක්වා ගැනීම සඳහා කාලගුණ කාර්යාංශය නම වෙනස් කර ඇති බව සඳහන් ය.
දැනට ක්වීන්ස්ලන්ත වෙරළට කිලෝමීටර් 900 ක් පමණ දුරින්, සුළි කුණාටුව නැගෙනහිර දෙසට ගමන් කරමින් පවතින අතර, අද දින එය දෙවන කාණ්ඩය දක්වා ශක්තිමත් වනු ඇතැයි පුරෝකථනය කර ඇති අතර තුන්වන කාණ්ඩය අඟහරුවාදා වන විට “බොහෝ විට” ඇති විය හැකි බව BoM ජ්‍යෙෂ්ඨ කාලගුණ විද්‍යාඥ ඇන්ගස් හයින්ස් පවසා ඇති බව සඳහන් ය.
එය ඉදිරි දින කිහිපය තුළ නැගෙනහිරට සහ පසුව දකුණට ගමන් කරනු ඇතැයි අපේක්ෂා කරන අතර, සති අන්තයේ හෝ ලබන සතිය මුලදී සුළි කුණාටුව බටහිර දෙසට හැරවිය හැකි අවස්ථාවක් ඇති බව හයින්ස් පැවසීය.
මේ අතර, බියන්කා ලෙස හැඳින්වෙන දෙවන නිවර්තන සුළි කුණාටුවක් බටහිර ඕස්ට්‍රේලියාවේ වෙරළට ඔබ්බෙන් නිර්මාණය වී ඇති අතර බියන්කා ඉන්දියානු සාගරයේ වෙරළට කිලෝමීටර 1000 ක් පමණ දුරින් පිහිටා ඇති අතර එය ඕස්ට්‍රේලියාවෙන් බටහිර දෙසට තවත් ඈතට ගමන් කරමින් පවතී.
