වික්ටෝරියා පොලිසිය එහි tattoo ප්‍රතිපත්තිය වෙනස් කිරීමෙන් පසු බඳවා ගැනීමේ සංඛ්‍යාවේ කැපී පෙනෙන වර්ධනයක් අත්විඳ ඇති අතර, මේ වනවිට නිලධාරීන්ට ඔවුන්ගේ අත්වල සහ බෙල්ලේ පිටුපස tattoo තබා ගැනීමට ඉඩ ලබා දේ.
මෙම වසර මුලදී ක්‍රියාත්මක වූ මෙම නව නීති මගින් මින් පෙර tattoo තිබීම හේතුවෙන් ප්‍රතික්ෂේප වූ අයදුම්කරුවන් 86 දෙනෙකු පොලීසියට බැඳීම සඳහා අයදුම්පත් අලුත් කිරීමට හේතු වී ඇත.
මෙම වෙනස මගින් වික්ටෝරියා පොලිසිය තුළ පවතින කාර්ය මණ්ඩල හිඟයට ප්‍රතිචාරයක් ලෙස සලකනු ලබයි. ඔක්තෝබර් වන විට, පුරප්පාඩු 1029 ක් පැවති අතර එය සැලකිය යුතු වර්ධනයකි. මේ අතර, කාර්ය මණ්ඩල හිඩැස වැඩිවීමට දායක වෙමින්, 680කට අධික නිලධාරීන් සංඛ්‍යාවක් මේ වන විට WorkCover මත රාජකාරියෙන් බැහැරව සිටිති.
මුර සංචාරයේ යෙදෙන මෝටර් රථ ජනේල හරහා විරෝධතා පණිවිඩ දිස්වන අතර, වැටුප් සහ සේවා කොන්දේසි සම්බන්ධයෙන් නිලධාරීන් කනස්සල්ල පළ කරන බැවින් වික්ටෝරියා පොලිසිය තවත් පීඩනයට ලක්ව ඇත.
කෙසේ වෙතත්, බෙල්ලේ, මුහුණේ හෝ හිසෙහි ඉදිරිපස tattoo කොටා ගැනීම තහනම්ය.වික්ටෝරියා පොලිසියේ ප්‍රකාශකයෙකුට අනුව, මෙම වෙනස මගින් පිළිඹිබු වන්නේ අහිතකර නොවන tattoo කොටා ගැනීම බොහෝ දෙනා පිළිගෙන ඇති අතර සුදුසුකම් ලත් අපේක්ෂකයින් පොලිස් බලකායට බැඳීම වැළැක්විය යුතු නැති බවයි.
වික්ටෝරියා පොලිසිය එහි පුරප්පාඩු පිරවීම සඳහා ක්‍රියා කරන බැවින්, tattoo ප්‍රතිපත්ති වෙනස් කිරීම, බඳවා ගැනීම් නවීකරණය කිරීමට සහ පොලීසියේ සේවය කරන ප්‍රජාවේ විවිධ සංයුතිය වඩා හොඳින් පිළිබිඹු කිරීමට පුළුල් උත්සාහයක එක් කොටසක් ලෙස සැලකේ.
