ඕස්ට්රේලියානු විදේශ අමාත්ය Penny Wong මහත්මිය විසින් උතුරු කොරියාවේ නොසැලකිලිමත් ක්රියා සහ රුසියාව සමග අවදානම් ලෙස සිදුකරන හවුල්කාරිත්වයට අවවාද කර ඇති අතර,ඇය මේ බව ප්රකාශ කර ඇත්තේ කලාපීය ආරක්ෂාව සඳහා ඕස්ට්රේලියාවේ සහයෝගය හා කැපවීම තවදුරටත් ලබාදෙන බව තහවුරු කරමිනි.
ජූනි මාසයේදී රුසියාව උතුරු කොරියාව සමඟ උපායමාර්ගික හවුල්කාරිත්වයක් ප්රකාශයට පත් කිරීමත් සමඟ දකුණු කොරියානු හමුදාව විසින් මෑත මාසවලදී බැලස්ටික් මිසයිල දියත් කිරීම් කිහිපයක් ද හඳුනාගෙන ඇත.
රුසියාවේ සහ උතුරු කොරියාවේ හවුල්කාරිත්වය ලෝකයටම අවදානම් බවත් රුසියාව නැවතත් සාමයට අහිතකර ආකාරයෙන් හැසිරෙන ආකාරය දෙස ඔවුන් දකින බවත් පැවසූ අතර උතුරු කොරියාවේ සිට රුසියාවට අඛණ්ඩව අවි ආයුධ මාරු කිරීම හෙළා දුටුවාය.
උතුරු කොරියාවේ සිට රුසියාවට අවි ආයුධ අඛණ්ඩව මාරු කිරීම එක්සත් ජාතීන්ගේ ආරක්ෂක කවුන්සිලයේ යෝජනා දැඩි ලෙස උල්ලංඝනය කිරීමක් ලෙසත් විශේෂයෙන් උතුරු කොරියාව සම්බන්ධව සියලුම UNSC යෝජනා ක්රියාත්මක කිරීම සඳහා ඔවුන් කැපවන බවටත් වැඩිදුරටත් කියා සිටියාය.
දකුණු කොරියානු සංචාරයේදී විදේශ අමාත්යවරිය කලාපීය සහයෝගීතාව පිළිබඳව සාකච්ඡා කිරීම සඳහා දකුණු කොරියානු විදේශ අමාත්ය Cho Tae-yul හමුවීමට නියමිතව තිබේ.
අපට අවශ්ය වන්නේ කිසිම රටක ආධිපත්යය නොපවතින කලාපයක් බවත් ඕස්ට්රේලියාව, ජපානය, කොරියාව, එක්සත් ජනපදය සහ අනෙකුත් ප්රජාතන්ත්රවාදී රටවල් එකට වැඩ කිරීමට අවශ්ය වන අතර අපි එසේ කිරීමට ඉතාමත් කැමැත්තෙන් සිටින බවත් විදේශ අමාත්යවරිය තවදුරටත් සදහන් කලාය.
සාමකාමී, ස්ථාවර සහ සමෘද්ධිමත් කලාපයක් සඳහා අපට එකට වැඩ කළ හැකි ආකාරය ගැන අපි සාකච්ඡා කළ යුතු බවත්, “සාමය කිසිදා ලබා දෙන්නේ නැත.එය ක්රියා කළ යුතු දෙයකි” ඇය දකුණු කොරියාව සහ ඕස්ට්රේලියාව අතර සහයෝගීතාව පිළිබඳව සාකච්ඡා කරන අතරතුර වොන්ග් මහත්මිය පැවසුවාය.
කියවන්න, බලන්න, විඳින්න
