ශ්‍රී ලංකාව තුළ පවතින අයහපත් කාලගුණික තත්ත්වය හේතුවෙන් බණ්ඩාරනායක අන්තර්ජාතික ගුවන් තොටුපළට ගොඩබෑමට නියමිතව තිබූ ගුවන් යානා 06ක් ආපසු හරවා යවා තිබේ.ඉන් ගුවන් ගමන් තුනක් මත්තල රාජපක්ෂ අන්තර්ජාතික ගුවන් තොටුපළ වෙත යවා ඇති අතර ඉතිරි ගුවන් ගමන් තුන ඉන්දියාවේ ත්‍රිවන්ද්‍රම් (තිරුවනන්තපුරම්) ගුවන් තොටුපළ වෙත යොමුකර ඇති බවට වාර්තා වේ. යාවත්කාලීන කරන ලද ගුවන් ගමන් කාලසටහන් පිළිබද අවධානයෙන් බලධාරීන් මගීන්ගෙන් ඉල්ලීමක් ද කර තිබේ.