නිව් සවුත් වේල්ස් ප්‍රාන්තයේ සිසුන් ලක්ෂ සංඛ්‍යාත පිරිසක් ලබන සතියේ ආරම්භවන පාසල් කාලයට නැවත පාසලට පැමිණීමට සූදානම් වීමත් සමඟ සිසුන් අතර ආමාශ රෝග පිළිබඳ සැලකිය යුතු ඉහළ යාමක් පිළිබඳව අනතුරු අඟවා ඇත.වමනය සහ පාචනය ඇති කරන රොටා සහ නොරො යන වෛරස් මගින් මූලික කරගෙන ඇතිවන රෝගීන්ගේ වැඩිවීමක් සෞඛ්‍ය බලධාරීන් විසින් වාර්තා කර ඇත.රොටා වෛරසය කුඩා දරුවන් තුළ විශේෂයෙන් දරුණු විය හැකි අතර, නොරෝ වෛරසය පාසල් සහ ළමා සුරැකුම් මධ්‍යස්ථාන සහ වයස්ගත සත්කාරක ස්ථානවල පැතිරීම සිදුවන බව සොයාගෙන ඇත.
NSW Health හි One Health ශාඛාවේ අධ්‍යක්ෂ Keira Glasgow, පාසල් වාරය ආරම්භ වීමට පෙර ආමාශ රෝග පැතිරීම අවම කිරීමේ වැදගත්කම අවධාරණය කළාය. “පසුගිය සතියේ, විශේෂයෙන් පහට අඩු ළමුන් අතර, ආමාශ රෝග ලක්ෂණ සහිත රෝගීන් NSW හදිසි අවස්ථා දෙපාර්තමේන්තු වෙත ඉදිරිපත් කිරීම් 2,700 කට වඩා වැඩි ගණනක් තිබුණි,” යනුවෙන් ඇය සඳහන් කළාය. පැතිරී යාමට එරෙහිව සටන් කිරීම සඳහා හොදින් අත් සේදීම ඇතුළු සනීපාරක්ෂාව පුරුදු කිරීම සහ අසනීප වූ දරුවන් නිවසේ තබා ගැනීම වැනි සරල වැළැක්වීමේ පියවර අනුගමනය කරන ලෙස ඇය ප්‍රජාවගෙන් ඉල්ලා සිටියාය.
වෛරස් ආමාශ රෝග ලක්ෂණ වන්නේ ඔක්කාරය, වමනය, පාචනය, උණ, උදර වේදනාව, හිසරදය සහ මාංශ පේශි කැක්කුමයි. මෙම රෝග ලක්ෂණ දින තුනක් ඇතුළත වර්ධනය විය හැකි අතර සාමාන්‍යයෙන් දින එකක් හෝ දෙකක් අතර පැවතිය හැකි නමුත් සමහර අවස්ථාවලදී ඒවා දිගු කාලයක් පැවතිය හැක.පාසල් ද නැවත විවෘත වන බැවින්රෝගය තවදුරටත් පැතිරීම අවම කිරීම සඳහා ජනතාවට අවධානයෙන් සිටින ලෙස සෞඛ්‍ය බලධාරීන් ඉල්ලා සිටී.
