සුවිශේෂී ලෙස උණුසුම් වායු ස්කන්ධයක් මධ්‍යම ඕස්ට්‍රේලියාවට ගමන් කරන බැවින් ඇලිස් ස්ප්‍රින්ග්ස් ඓතිහාසික උණුසුම් කාලගුණයකට  මුහුණ දෙමින් සිටී.කාලගුණික අනාවැකි මගින් පවසන්නේ සතිය අවසන් වන විට උෂ්ණත්වය සෙල්සියස් අංශක 35 දක්වා ඉහළ යා හැකි අතර එය 2009 සිට නගරයේ අගෝස්තු මාසයේ වාර්තා වූ 35.2 ° C ප්‍රමාණය ද ඉක්මවා යා හැකි බවයි.

ප්‍රබල අධි පීඩන තත්ත්වයක් නිසා උණුසුම තවත් වැඩිවේ.එහි ප්‍රතිඵලයක් ලෙස වසර 15ක් තුළ උණුසුම්ම දින 07ක කාලපරිච්ඡේදය ඇති විය හැක.කාලගුණ වාර්තා මගින් පෙන්නුම් කරන්නේ සති අන්තයේ අසාමාන්‍ය ලෙස උණුසුම් බවක් දැනෙනු ඇති අතර සම්පූර්ණ සතියක් පුරාවට උෂ්ණත්වය සෙල්සියස් අංශක 30 ද ඉක්මවන බවයි.

කාලගුණ විද්‍යාඥ ඇලිසන් ඔස්බෝන් අවධාරණය කළේ ඇලිස් ස්ප්‍රින්ග්ස් නගරය අප්‍රේල් මාසයේ සිට එහි උණුසුම්ම උදෑසන වාර්තා කළ බවයි.ඉදිරි දින සාමාන්‍ය ශීත තත්වයන්ට වඩා සැලකිය යුතු ලෙස උණුසුම් වනු ඇතැයි අපේක්ෂා කරන අතර සිකුරාදා සහ සෙනසුරාදා වාර්තාගත උෂ්ණත්වයන් කරා ළඟා විය හැකි බවට පැවසේ.