Australia Day, යනුවෙන් හැඳින්වෙන්නේ ඕස්ට්‍රේලියානු මහාද්වීපයේ පළමු වරට ස්ථිර යුරෝපීය ජනාවාස පිහිටුවීම සමරන දිනයයි. 1788 ජනවාරි 26 වන දින, වැරදිකරුවන් රැගත් නැවක් සමඟ දැන් Sydney Cove ලෙස හඳුන්වන ස්ථානයට යාත්‍රා කළ ආතර් පිලිප්, එම ස්ථානයේ බ්‍රිතාන්‍ය ධජය එසවූවා. 1800 ගණන්වල මුල් භාගයේදී, Foundation Day ලෙස හැඳින්වූ දිනය, නිව් සවුත් වේල්ස්හි දේශපාලනඥයින් සහ ව්‍යාපාරිකයින් විසින් පෞද්ගලික රාත්‍රී භෝජන සංග්‍රහ සමඟ සමරනු ලැබුවා. පසුව එය Anniversary Day ලෙස හැඳින්වීමට පටන් ගත් අතර, තවමත් Australia Day Regatta එක ලෙස පවත්වනු ලබන ලෝකයේ පැරණිතම එවැනි රුවල් තරඟය, 1836 දී පළමු වරට Anniversary Regatta ලෙස සිඩ්නි වරායේ දී පැවැත්වූවා. 1838 දී, ජනාවාසය පිහිටුවීමේ 50 වන සංවත්සරයේදී, පළමු වරට නිල මහජන සැමරුමක් පවත්වා තිබෙනවා. 1888 දී මහාද්වීපය පුරා සියවස් සැමරුම් පැවති අතර, 1938 දී, 150 වන සංවත්සරයේදී, එම දිනය නිල නිවාඩු දිනයක් ලෙස ප්‍රකාශයට පත් කෙරුණා. 1988 දී, ජනවාරි 26 දින ජාතික රජයේ නිවාඩු දිනයක් බවට පත් වුණා. ඇතැම් ප්‍රදේශ වල ආසන්නතම සඳුදා දිනය මුලින් සැමරුණු අතර එම පුරුද්ද අවසන් කිරීමේ උත්සාහයක් ලෙස, 1994 දී නිවාඩු දිනය සැබෑ දිනයේම සැමරීමට තීරණය කෙරුණා.

බොහෝ ප්‍රසිද්ධ උත්සව ඇතුළත් Australia Day එක සැමරීමේදී රජයේ සහ හමුදා නිලධාරීන් දිගු කලක සිට ප්‍රමුඛ කාර්යභාරයක් ඉටු කර ඇති අතර, 1940 ගණන්වල සිට ඕස්ට්‍රේලියාවට සංක්‍රමණය වීම වැඩිවීමත් සමඟ, එම දිනය තවත් විශේෂ ස්වභාවයක් ගත්තා. තුරඟ තරඟ සහ regattas ඇතුළු ක්‍රීඩා ඉසව් සැමරුම්වල වැදගත් අංගයක් ලෙස දිගටම පැවතෙන එනවා. 20 වන සියවසේ අග භාගයේ සිට, Aboriginals ලා සහ ඔවුන්ගේ ආධාරකරුවන් අතර ඕස්ට්‍රේලියානු දින සැමරුම් අධික ලෙස ජාතිකවාදී ලෙස විවේචනයක් ද පවතිනවා.