ලබන මාසයේ පැවැත්වීමට නියමිත බටහිර ඉන්දීය කොදෙව් සංචාරය සඳහා ශ්රී ලංකා කණ්ඩායමේ white-ball captain ලෙස කුසල් මෙන්ඩිස් නම් කර තිබෙනවා.
කඩුළු රකින්නා සහ පිතිකරුවෙකු ලෙස ක්රීඩා කරන මෙන්ඩිස්, එක්දින සහ විස්සයි20 තරඟාවලි 2 සඳහාම ශ්රී ලංකා කණ්ඩායමේ නායකයා ලෙස කටයුතු කරනවා. මීට පෙර නායකත්වයන්හි කටයුතු කළේ චරිත් අසලංක සහ දසුන් ශානකයි. තරඟ 2කින් යුත් ටෙස්ට් තරගාවලිය සඳහා කණ්ඩායමේ නායකත්වය දරන්නේ ධනංජය ද සිල්වා.
ශ්රී ලංකා ක්රිකට්, සමාජ මාධ්ය ඔස්සේ මෙම සංචාරය සඳහා සංචිත නිවේදනය කරමින් නිවේදනයක් නිකුත් කර තිබුණා.
මෙම වසර මුලදී ශ්රී ලංකාවේ බලාපොරොත්තු සුන් කළ විස්සයි20 ලෝක කුසලාන තරඟාවලියෙන් පසුව මෙම නායකත්ව වෙනස සිදු කර තිබෙනවා. එම තරඟාවලිය සඳහා නායකත්වය ලබා දුන් දසුන් ශානක 16 දෙනෙකුගෙන් යුත් විස්සයි20 සංචිතයේ රැඳී සිටින අතර, එක්දින සංචිතයට ඇතුළත් කර තිබියදීත් හිටපු නායක චරිත් අසලංක විස්සයි20 කණ්ඩායමට ඇතුළත් කර නැහැ.
ශ්රී ලංකාවට තවත් ධනාත්මක කරුණක් වන්නේ තුන් ඉරියව් ක්රීඩක වනිඳු හසරංගගේ නැවත පැමිණීමයි. විස්සයි20 ලෝක කුසලානයේදී ඔහුට ඇති වූ මාංශ පේශි ආබාධයෙන් සුවය ලැබීමෙන් පසු ඔහු එක්දින සහ විස්සයි20 සංචිත දෙකටම නම් කර තිබෙනවා. මෙම ආබාධය නිසා පෙබරවාරි මස මුල සිට ඔහු පිටියෙන් ඉවත්ව සිටි අතර Lucknow Super Giants සමඟ IPL තරඟාවලිය ද අහිමි වුණා.
එක්දින සහ 20යි 20 තරඟාවලි සඳහා ශ්රී ලංකා කණ්ඩායමේ උප නායකයා ලෙස කමිඳු මෙන්ඩිස් නම් කර තිබෙනවා. පැතුම් නිස්සංක, මහීෂ් තීක්ෂණ සහ දුෂ්මන්ත චමීර වැනි අනෙකුත් පළපුරුදු ක්රීඩකයින් ද සංචිතවලට ඇතුළත්.
මෙම සංචාරය ජුනි 3 වන දා සිට 8 දක්වා පැවැත්වෙන තරඟ 3කින් යුත් එක්දින තරගාවලියෙන් ආරම්භ වෙනවා. ඉන්පසු ජුනි 11, 13 සහ 14 යන දිනවල විස්සයි20 තරඟ 3ක් පැවැත්වෙනවා. ටෙස්ට් තරගාවලියේ තරඟ දෙක, ජුනි 25 සිට 29 දක්වා සහ ජූලි 3 සිට 7 දක්වා Sir Vivian Richards ක්රීඩාංගණයේදී පැවැත්වීමට නියමිතයි.
බටහිර ඉන්දීය කොදෙව් සංචාරය සඳහා නම් කරන ලද ශ්රී ලංකා සංචිත
ශ්රී ලංකා ටෙස්ට් සංචිතය:
ධනංජය ද සිල්වා (නායක), කමිඳු මෙන්ඩිස්, පැතුම් නිස්සංක, ළහිරු උදාර, නිශාන් මධුෂ්ක, දිනේෂ් චන්දිමාල්, පසිඳු සූරියබණ්ඩාර, සොනාල් දිනූෂ, කුසල් මෙන්ඩිස්, මිලාන් රත්නායක, ප්රභාත් ජයසූරිය, රමේෂ් මෙන්ඩිස්, අසිත ප්රනාන්දු, විශ්ව ප්රනාන්දු, ළහිරු කුමාර, රමේෂ් මෙන්ඩිස්, ඉසිත විජේසුන්දර, කසුන් රාජිත
ශ්රී ලංකා එක්දින සංචිතය:
කුසල් මෙන්ඩිස් (නායක), කමිඳු මෙන්ඩිස් (උප නායක), පැතුම් නිස්සංක, කමිල් මිෂාර, පවන් රත්නායක, ජනිත් ලියනගේ, චරිත් අසලංක, මිලාන් රත්නායක, වනිඳු හසරංග, දුනිත් වෙල්ලාලගේ, මහීෂ් තීක්ෂණ, දුෂ්මන්ත චමීර, දිල්ශාන් මදුශංක, එශාන් මාලිංග, අසිත ප්රනාන්දු, ප්රමෝද් මධුෂාන්
ශ්රී ලංකා T20I සංචිතය:
කුසල් මෙන්ඩිස් (නායක), කමිඳු මෙන්ඩිස් (උප නායක), පැතුම් නිස්සංක, කමිල් මිෂාර, පවන් රත්නායක, ලසිත් කෲස්පුල්ලේ, දසුන් ශානක, මිලාන් රත්නායක, දුනිත් වෙල්ලාලගේ, වනිඳු හසරංග, මහීෂ් තීක්ෂණ, දුෂ්මන්ත චමීර, දුෂ්මන්ත චමීර, දිල්ශාන් මදුශංක, එශාන් මාලිංග, බිනුර ප්රනාන්දු, නුවන් තුෂාර.
Image credit: srilankacricket.lk
