බොලිවුඩ් නිළි දීපිකා පදුකෝන් Meta සමඟ එක්ව කටයුතු කරමින් රටවල් කිහිපයකම Meta AI version එකේ නව හඬ බවට පත් වී තිබෙනවා.
studio එකක් තුළ මෙලෙස Meta AI සඳහා ඇගේ හඬ පටිගත කරන වීඩියෝවක් දීපිකා ඇගේ Instagram එක හරහා share කර තිබුණා.
ඇය එහි සඳහන් කළේ “හරි, ඉතින් මේක හරිම නියමයි කියලා මම හිතන්නේ! මම දැන් මෙටා AI හි කොටසක් වන අතර ඔබට ඉන්දියාව, එක්සත් ජනපදය, කැනඩාව, එක්සත් රාජධානිය, ඕස්ට්‍රේලියාව සහ නවසීලන්තය පුරා ඉංග්‍රීසි භාෂාවෙන් මගේ හඬ සමඟ කතාබස් කරන්න පුළුවන්”
මෑතකදී, The Live Love Laugh (LLL) පදනමේ නිර්මාතෘවරියක් ද වන දීපිකා පදුකෝන්, Union Ministry of Health & Family Welfare (MoHFW) විසින් පළමු මානසික සෞඛ්‍ය තානාපතිනිය ලෙස පත් කර තිබුණා.
ලෝක මානසික සෞඛ්‍ය දිනය නිමිත්තෙන් මෙම නිවේදනය නිකුත් කරන ලද අතර, එය මහජන සෞඛ්‍යයේ ප්‍රධාන අංගයක් ලෙස මානසික යහපැවැත්මට ප්‍රමුඛත්වය දීමට ඉන්දියාව ගත් අඛණ්ඩ උත්සාහයන්හි සැලකිය යුතු පියවරක් සනිටුහන් කරනවා.
මානසික සෞඛ්‍ය දැනුවත්භාවය වෙනුවෙන් පෙනී සිටීම සඳහා මෙම වැදගත් කාර්යභාරය තමාට පැවරීම සම්බන්ධයෙන් රජයට කෘතඥතාව පළ කරමින් Instagram හි සටහන් කළේ “ලෝක මානසික සෞඛ්‍ය දිනයේදී, Union Ministry of Health & Family Welfare හි පළමු මානසික සෞඛ්‍ය තානාපතිනිය ලෙස පත්වීම ගැන මම අතිශයින් ගෞරවයට පාත්‍ර වෙමි.” යනුවෙන්.
අගමැති නරේන්ද්‍ර මෝදිගේ නායකත්වය යටතේ ඉන්දියාව මහජන සෞඛ්‍යයේ ඉහළම ස්ථානයේ, මානසික සෞඛ්‍යය තැබීමට අර්ථවත් පියවර ගෙන ඇති ආකාරය ද ඇය අවධාරණය කර තිබුණා.
“අපගේ ගරු අගමැති @narendramodi ගේ නායකත්වයෙන්, අපගේ රට මහජන සෞඛ්‍යයේ හදවතෙහි, මානසික සෞඛ්‍යය තැබීමට අර්ථවත් පියවර ගෙන තිබේ. පසුගිය දශකය තුළ @tlllfoundation හි අප කළ මගේම ගමන සහ කාර්යය හරහා, මානසික සෞඛ්‍ය සම්පන්න ඉන්දියාවක් ගොඩනැගීමට අපි එකට එකතු වූ විට කොපමණ කළ හැකිදැයි මම දුටුවෙමි. ඉන්දියාවේ මානසික සෞඛ්‍ය රාමුව තවදුරටත් ශක්තිමත් කිරීම සඳහා ශ්‍රී. @jpnaddaofficial සහ @mohfwindia ගේ මඟ පෙන්වීම යටතේ කටයුතු කිරීමට මම බලාපොරොත්තු වෙමි” යනුවෙන් දීපිකා සඳහන් කර තිබුණා.
මධ්‍යම සෞඛ්‍ය සහ පවුල් සුභසාධන අමාත්‍ය JP Nadda සහ මධ්‍යම සෞඛ්‍ය ලේකම් Punya Salila Srivastava සමඟ පැවති හමුවකදී ගත් ඡායාරූපයක් ද ඇය සටහන් කර තිබුණා.
රංගනය සම්බන්ධයෙන් ගත් කල දීපිකා, ෂාරුක් ඛාන් සමඟ කෙරෙන ඇයගේ 6වන චිත්‍රපටිය වන ‘King’ චිත්‍රපටයේ රූගත කිරීම් නිල වශයෙන් ආරම්භ කර තිබෙනවා. මෙම යුවළ අවසන් වරට එක්ව දුටුවේ Atlee විසින් අධ්‍යක්‍ෂණය කල ‘Jawan’ චිත්‍රපටය හරහායි.
Image credit: filmfare.com
