ගෝලීය සංචාරක ප්‍රකාශකයෙකු වන Lonely Planet විසින් 2026 දී ලොව සංචාරය කිරීමට හොඳම නගර 25 අතරට යාපනය නගරය නම් කර තිබෙනවා.

මෙම නම් කිරීම ශ්‍රී ලංකාවට ප්‍රධාන සන්ධිස්ථානයක් සනිටුහන් කරන අතර, සංස්කෘතිය හා උරුමයෙන් පොහොසත් ගමනාන්තයක් ලෙස එහි ජාත්‍යන්තර ආකර්ෂණය නැවත නැවතත් තහවුරු කිරීමට මෙය උපකාරී වෙනවා.

Lonely Planet විසින් යාපනය තෝරා ගැනීම නගරයේ සංස්කෘතික හා ඓතිහාසික වැදගත්කම ඉස්මතු කරන අතර සංචාරක කර්මාන්තයේ කලාපීය විවිධත්වය ප්‍රවර්ධනය කිරීමට ශ්‍රී ලංකාව දරන උත්සාහයන් සාර්ථකත්වය කරා ගෙන යනවා.

Lonely Planet’s Best in Travel 2026 හි ඉතාලි සංස්කරණය ඔක්තෝබර් 22 වන දින මිලාන්හි පැවති මාධ්‍ය හමුවකදී නිකුත් කළා.

ශ්‍රී ලංකා සංචාරක ප්‍රවර්ධන කාර්යාංශය නියෝජනය කරමින් මිලාන්හි ශ්‍රී ලංකා කොන්සල් ජනරාල්වරයා මෙම අවස්ථාවට සහභාගී වූ අතර එහිදී උතුරු පළාතේ සාම්ප්‍රදායික ආහාර ප්‍රදර්ශනය කෙරුණා.

Lonely Planet’s The 25 Best Destinations in 2026: https://www.lonelyplanet.com/best-in-travel 

Image credit: www.lonelyplanet.com