ලන්ඩන් කියපු ගමන් ගොඩක් දෙනෙක්ට මතක් වෙන්නේ බ්‍රිතාන්‍ය රාජකීයත්වය පිළිඹිබු කරන බකිංහැම් මාලිගය, කෙන්සිංටන් මාලිගය හෝ ශාන්ත ජේම්ස් මාලිගය වගේ ස්ථාන. නමුත් මෙම මහා මාලිගා තිබියදී, අගනුවර බ්‍රිතාන්‍ය රාජකීය පවුලේ පෞද්ගලික උරුමය තවත් රාජකීය පවුලක් විසින් අත්පත් කරගෙන ඇති අවස්ථාවක් ගැන GB News වාර්තා කර තිබුණා.
මේ විදිහට තම ආධිපත්‍යය පැතිරීමට සමත් වෙලා තිබෙන්නේ කටාර් රාජකීය පවුලයි. ඔවුන් නිහඬව ලන්ඩන් දේපළ විශාල ප්‍රමාණයක් රැස් කර තිබෙනවා. කටාර්හි පාලක රාජකීය රාජවංශය වන අල්-තානි මන්දිරය විසින් කාලයත් සමඟ නිහඬව ලන්ඩනයේ දැවැන්ත දේපළ ප්‍රමාණයක් රැස් කරගෙන ඇති අතර, එය අද වන විට බ්‍රිතාන්‍ය රාජකීයන් සතුව ඇති දේපල ප්‍රමාණයට වඩා අභිබවා යන බව GB News වාර්තාව දක්වනවා.
අගනුවර පුරා, චාල්ස් රජු සතුව රාජකීය නිවාස ඇතුළු දේපල රැසක් තිබුණත්, Tower of London සහ Hampton Court Palace වැනි මෙම නිවාස සැලකෙන්නේ Crown Estat ලෙසයි. එනම් ඒවා පුද්ගලික දේපළක් ලෙස නොව රට වෙනුවෙන් ස්වෛරීවරයා සතු වෙන දේපළයි.
අනෙක් අතට, වාර්තාව දක්වන ආකාරයට, අල්-තානි පවුලට අගනුවර ඔවුන්ගේ වර්ධනය වන දේපළ සමඟ එවැනි බැඳීමක් නැහැ.
මේ පිළිබඳව සලකනකොට වයඹදිග Mayfair විශේෂයෙන් කැපී පෙනෙන අතර එය “Little Doha” කියන අන්වර්ථ නාමයෙන් හඳුන්වන අතර එහි ගොඩනැගිලි බොහොමයක් කටාර් ජාතිකයින් සතු වෙනවා. GB ප්‍රවෘත්ති වාර්තාවකට අනුව, බ්‍රිතාන්‍යයේ වඩාත්ම මිල අධික පෞද්ගලික නිවස ඇතුළුව ප්‍රජාවෙන් හතරෙන් එකක් පමණ එම පවුලට හිමි බව ඇස්තමේන්තු ගතකර තිබෙනවා.
