අභිරහස් ගැටළු සැඟවුණු කතා කියවන්න කැමති අයට වෙනස්ම කතාවක් ගැන තමයි මේ කියන්න හදන්නේ. ඒ තමයි Mark Haddon විසින් රචිත “The Curious Incident of the Dog in the Night-time”.
මේ 15 හැවිරිදි Christopher Booneගේ කතාව. පාසලේදී ලියන ලෙස ඔහුගෙන් ඉල්ලා සිටින ලද කතාව. ක්‍රිස්ටෝපර්ට බොරු කියන්න බැරි නිසා මේ කතාවේ බොරු නැහැ. ක්‍රිස්ටෝපර් ආගන්තුකයන්, කහ හෝ දුඹුරු වර්ණ හෝ ස්පර්ශ කිරීමට කැමති නැහැ. අනෙක් අතට, ඔහු ලෝකයේ සියලුම රටවල් සහ ඒවායේ අගනගර වගේම 7507 දක්වා සෑම ප්‍රථමක අංකයක්ම දන්නවා. ඉතින් මේක අමුතු කතාවක්.

ක්‍රිස්ටෝපර් තම අසල්වැසියාගේ බල්ලා වන Wellington මැරුවේ කවුදැයි සොයා ගැනීමට තීරණය කළ විට, ඔහුගේ කතාව ඔහු කිසිදා නොසිතූ තරම් සංකීර්ණ වෙනවා.

2003 දී Booker Prize එක, සඳහා Longlist කර ඇති මෙය, වෙනත් කිසිවකට සමාන නොවන මිනීමැරුම් අභිරහසක්. වැඩිහිටියන් අතර මෙන් තරුණ පාඨකයින් අතර ජනප්‍රිය කෘතියක්. ඉතින් මේ අමුතු ළමයාගේ අමුතු අභිරහස් අත්දැකීම කියවලාම බලන්න.

Image Credit: www.libris.lt