අපි සාමාන්‍යයෙන් belts එකක් ගන්නේ leather නැත්නම් රෙදිවලින් හදපුවානේ. හැබැයි ඕස්ට්‍රේලියාවේ ඉන්න පැරණි ආදිවාසී ගෝත්‍ර කිහිපයක් මිනිස්සුන්ගේ කෙස් පාවිච්චි කරලා සුපිරි belts ජාතියක් හදනවා කිව්වොත් ඔයාලා විශ්වාස කරනවාද?

ඔව්, ඒක ඇත්ත! මේ අපූරු belt එකට ඔවුන් කියන්නේ ‘Wilji’ කියලා. මේක නිකම්ම විලාසිතාවක් නෙවෙයි, ඔවුන්ගේ සංස්කෘතිය සහ සම්ප්‍රදාය එක්ක තදින්ම බැඳිච්ච දෙයක්.

මේ කෙස් බෙල්ට් වලින් කරන්නේ මොකක්ද?

ඕස්ට්‍රේලියාවේ Alyawarr සහ Warlpiri කියන ගෝත්‍රික ජනතාව තමයි මේ අපූරු කලාව අදටත් රැකගෙන යන්නේ. ඔවුන් මේ කෙස්වලින් වියන belts තමන්ගේ ඉණ වටේ වගේම අත්වලත් පලඳිනවා.

ඒ කාලේ ඉඳන්ම දඩයම් කරන්න යනකොට, තමන්ගේ ගල් පිහි සහ Boomerangs රඳවා ගන්න පාවිච්චි කළේ මේ belt එකයි. ඊට අමතරව ඔවුන්ගේ සාම්ප්‍රදායික උත්සව වලදී මේකට ලැබෙන්නේ ලොකු ගෞරවයක්.

Belt එකක් හදන්න කෙස් හොයාගන්නේ කොහොමද?

මේකට වෙනමම ක්‍රමවේදයක් තියෙනවා:

• කෙනෙක් තමන්ගේ කොණ්ඩය කපන වෙලාවට.
• විශේෂ සාම්ප්‍රදායික උත්සව අවස්ථාවලදී.
• එහෙමත් නැත්නම් ගෝත්‍රයේ කෙනෙක් මියගිය අවස්ථාවකදී ඒ අයගේ කෙස් එකතු කරගන්නවා.

ඊටපස්සේ මේ එකතු කරගත්තු කෙස්, ලී කූරු දෙකක් විතරක් පාවිච්චි කරලා හරිම අපූරුවට නූල් වගේ එකතු කරලා වියලා තමයි මේ belt එක නිර්මාණය කරන්නේ.

යාළුකම අලුත් කරන ගෝත්‍රික වෙළඳාම!

මේ කෙස් belt තමන් ළඟ විතරක් තියාගන්නේ නැහැ. වෙනත් ගෝත්‍රික කණ්ඩායම් උත්සව සඳහා තමන්ගේ ගමට ආවාම, ඔවුන් එක්ක සහෝදරත්වය සහ වෙළඳ සබඳතා අලුත් කරගන්න තෑග්ගක් විදිහට මේ Wilji හුවමාරු කරගන්න එක ඔවුන්ගේ සිරිතක්.

නූතන කලාවටත් එකතු වෙලා!

කාලය වෙනස් වුණත් මේ අය තමන්ගේ සංස්කෘතිය අතහැරලා නැහැ. දැන් කාලේ ඔවුන් මේ කෙස් පාවිච්චි කරලා ලස්සන Hats පවා නිර්මාණය කරනවා. ඕස්ට්‍රේලියාවේ Ali Curung කියන ප්‍රදේශයේ වාර්ෂිකව පැවැත්වෙන සුප්‍රසිද්ධ නර්තන උත්සවයට සහභාගි වෙන්න එන අය මේ වගේ කෙස්වලින් හදපු තොප්පි පළඳිනවා. 

සොබාදහමෙන් ලැබෙන දේවල් වලින් තමන්ගේ සංස්කෘතිය මෙච්චර ලස්සනට හැඩගස්වා ගත්තු මේ මිනිස්සුන්ගේ කලාව ඇත්තටම පුදුමසහගතයි නේද?

ඔයාලටත් මේ වගේ කෙස් belt එකක් දකින්න ලැබුණොත් පළඳින්න කැමතිද?