ඕස්ට්රේලියාවේ විශ්වවිද්යාල අධ්යාපනය අවසන් කරන තරුණ තරුණියන්ට ස්ථිර සහ ඉහළ වැටුප් හිමිවන ප්රධාන රැකියා ක්ෂේත්ර කිහිපයකම දැඩි සේවක හිඟයක් පවතින බව නවතම වාර්තා පෙන්වා දෙනවා. ගුරුවරුන්, හෙදියන් සහ පොලිස් නිලධාරීන් සඳහා ඩොලර් 80,000 ත් 90,000 ත් අතර ඉහළ ආරම්භක වැටුප් ලබාදුන්නද, පවතින අධික Workload එක සහ ආතතිය නිසා තරුණ පිරිස් මෙම රැකියා තෝරාගැනීමට පසුබට වන බව හෙළිවී තිබෙනවා.
ක්ෂේත්ර 3 හි වැටුප් සහ පවතින තත්ත්වය
| ක්ෂේත්රය | ආරම්භක වැටුප (වසරකට) | පවතින ප්රධාන ගැටලුව / තත්ත්වය |
| Teaching | $90,177 (පළපුරුදු අයට $129,536 දක්වා) | වැටුප් වැඩිවීම නිසා නව අයදුම්කරුවන් වැඩි වී ඇතත්, Prep time මදි වීම සහ workload එක වැඩි වීම තවමත් ගැටළුවක්. |
| Nursing | $81,468 (වසර 8 ක පළපුරුද්දට $114,379) | අධික සේවා කාලය (Overtime), සේවා ස්ථානයේ පීඩනය සහ පුද්ගලික ජීවිතය සමඟ balance කරගැනීමට ඇති අපහසුව නිසා 66% ක් සේවයෙන් අයින්වීමට සිතනවා. |
| පොලිස් සේවය (Policing) | $88,169 (පුහුණුවන අතරතුර සතියකට $1,360) | පුහුණුව අතරතුර පවා පඩි ගෙවීම නිසා නව බඳවාගැනීම් වැඩිවී ඇතත්, ක්ෂේත්ර රාජකාරිවල ඇති දැඩි ආතතිය ගැටලුවක්. |
වැටුප් වැඩි කළත් ගැටලුව විසඳී නැත්තේ ඇයි?
Jobs and Skills Australia ආයතනයේ 2025 වාර්තාවලට අනුව ඕස්ට්රේලියාවේ රැකියාවලින් 29% කම සේවක හිඟයක් පවතිනවා. වැටුප් වැඩි කිරීම මඟින් ගුරු සහ පොලිස් සේවයට නවකයන් එකතු කරගැනීමට යම් තාක් දුරට හැකිවුවත්, පවතින ප්රධානම ගැටලුව වී ඇත්තේ සේවයේ නිරත පිරිස දිගටම රඳවා ගැනීමට නොහැකි වීමයි.
“අපේ ප්රාදේශීය රෝහල්වල 16% සිට 50% දක්වා සේවක හිඟයක් තියෙනවා. ආරක්ෂිත හෙද සේවාවක් පවත්වාගන්න හෙදියන්ට සූදානම් නැතිව Overtime වැඩ කරන්න සිද්ධ වෙනවා. ඒකෙන් එන අධික මහන්සිය නිසා පුද්ගලික ජීවිතය සම්පූර්ණයෙන්ම කඩා වැටෙනවා.”
– Emma Ratajczyk (NSW Nurses and Midwives’ Association)
සේවක හිඟය හමුවේ හෙට දිනය
හෙද සේවයේ අනාගත අර්බුදය: 2035 වන විට ඕස්ට්රේලියාවට පූර්ණ කාලීන හෙදියන් 70,707 ක දැවැන්ත හිඟයකට මුහුණ දීමට සිදුවනු ඇතැයි ගණන් බලා තිබෙනවා.
පොලිස් සේවයේ වෙනස්කම්: පොලිස් නිලධාරීන්ට mental health call-outs සහ prisoner management and transport වැනි බාහිර වැඩබර අඩුවෙන් දී, කෙළින්ම අපරාධ මර්දන කටයුතුවල යෙදවීමට පියවර ගනිමින් සිටිනවා.
ඉහළ ආරම්භක වැටුපක් සහ ස්ථිර රැකියා සුරක්ෂිතතාවක් සපයන මෙම ක්ෂේත්රවලට පිවිසීමට තරුණයින්ට හොඳ අවස්ථාවක් තිබුණද, ආයතනික මට්ටමින් සේවකයන්ගේ වැඩබර සහ සේවා පරිසරය යහපත් නොකළහොත් මෙම සේවක හිඟය පවත්නා බව විචාරකයෝ පෙන්වා දෙනවා.
හැබැයි ඔයා මේ ක්ෂේත්ර වලට වැඩි කැමැත්තක් උනන්දුවක් දක්වන කෙනෙක් නම් මේක හොඳ අවස්තාවක්.
