ඔයා ඕස්ට්‍රේලියාවේ කුලී නිවසකින් (Rented Property) ඉවත් වෙනකොට, ලබා දී ඇති Rental Bond මුදල සම්පූර්ණයෙන්ම ආපසු ලබාගන්න උදව් වෙන දේවල් කිහිපයක් ගැන තමයි අද අපි කියන්නේ. 

Bond Refund එක ලබාගන්න කොච්චර කල් යනවාද?

ඔබ සහ නිවසේ හිමිකරු (Landlord/Agent) Refund එක සඳහා එකඟ වන්නේ නම්, Forms ඉදිරිපත් කර වැඩකරන දින 2-10 අතර කාලයකදී මුදල් ඔබේ ගිණුමට බැර වෙනවා. Victoria වැනි ප්‍රාන්තවල Online Portals හරහා මෙය ඉතා ඉක්මනින් කරගන්න පුළුවන්. 

නිවසේ හිමිකරු යම් මුදලක් කපාගැනීමට උත්සාහ කරනවා නම් මේ සඳහා ගතවන කාලය වැඩි වෙන්න පුළුවන්. 

Landlord ට ඔයාගේ මුළු Bond මුදලම තබාගන්න පුළුවන්ද?

බැහැ. පියවා ගැනීමට ඇති සැබෑ අලාභයන් හි සම්පූර්ණ එකතුව Bond මුදලට සමාන වුවහොත් පමණක් (එය ඉතා කලාතුරකින් සිදුවන්නක්) මුළු මුදලම තබාගත හැකියි.

එහෙම නැත්නම් කපාගත හැක්කේ, නොගෙවූ කුලී මුදල් (Unpaid rent), අලුත්වැඩියා නොකළ හානි (Damage) හෝ පිරිසිදු නොකිරීම් සඳහා පමණයි..

කාලයත් සමඟ සිදුවන සාමාන්‍ය ගෙවීම් සහ ගෙවීම් හානි (Fair wear and tear) සඳහා මුදල් අයකරගන්න බැහැ. 

Landlord හෝ Agent ප්‍රතිචාර දක්වන්නේ නැත්නම් මොකක්ද කරන්නේ?

බොහෝ ප්‍රාන්තවල, ඔයා නිවසින් ඉවත් වූ වහාම Bond Authority එකට ඔබේ Refund Claim එක ස්වයංක්‍රීයව ඉදිරිපත් කරන්න පුළුවන්. Landlord හට ප්‍රතිචාර දැක්වීමට නිශ්චිත කාලයක් (සාමාන්‍යයෙන් දින 14 ක්) හිමිවන අතර, එම කාලය තුළ ඔවුන් ප්‍රතිචාර නොදක්වන්නේ නම්, Bond මුදල ස්වයංක්‍රීයවම ඔබගේ ගිණුමට බැර වෙනවා.

එම නිසා Landlord forms පුරවනකන් නොසිට, ඔබම පළමුව Claim එක ඉදිරිපත් කරන්න. 

Professional Carpet Cleaning කිරීම අනිවාර්යද?

Lease Agreement එකේ Professional Carpet Cleaning අනිවාර්ය කර ඇත්නම් හෝ Carpet එක තදින් අපිරිසිදු වී ඇත්නම් පමණක් එය සිදුකර Receipt එක ළඟ තබාගන්න. එය Bond Deductions වළක්වා ගැනීමට උපකාරී වෙනවා.

Bond එක ආරක්ෂා කරගන්න උපදෙස් 3ක්

Condition Report & Photos: නිවසට ඇතුළු වන විට සහ ඉවත් වන විට ගත් පැහැදිලි Photos ළඟ තියාගන්න.

Final Inspection: හැකි සෑම විටම Final Inspection එක වෙලාවේදී නිවසේ හිමිකරු හෝ agent සමඟ රැඳී සිටින්න.

Claim Immediately: නිවසින් ඉවත් වූ වහාම ඔබේ Bond Claim එක online Submit කරන්න. 

ඔයාගේ Rental Bond එක කියන්නේ ඔයාගෙම මුදල්! අසාධාරණ ලෙස මුදල් කපාගැනීමට ඉඩ නොදී ඒ වෙනුවෙන් පෙනී සිටින්න. අවශ්‍ය නම් ඕස්ට්‍රේලියාවේ සෑම ප්‍රාන්තයකම පවතින නොමිලේ ලබාදෙන Tenants’ Union වල සහාය ලබාගන්න.