ශ්‍රී ලංකා විස්සයි විස්ස (T20) ක්‍රිකට් කණ්ඩායමට නැවතත් දසුන් ශානක කැඳවීමට සූදානමක් පවතින බව ශ්‍රී ලංකා ක්‍රිකට් තේරීම් කමිටුවේ සාමාජික උපුල් තරංග මහතා පවසයි. ඩේලී එෆ්.ටී. වෙත අදහස් දක්වමින් ඔහු මේ බව සඳහන් කළේය. ඒ අනුව, එළඹෙන ජූනි මාසයේදී පැවැත්වීමට නියමිත ශ්‍රී ලංකාව සහ බංග්ලාදේශය අතර ටෙස්ට් තරගාවලිය සඳහා නවක ක්‍රීඩකයන්ට ද අවස්ථා සැලසීමට සැලසුම් කර ඇති බව තව දුරටත් සඳහන් කරන ලදි.