රැකියාවක් සොයා ගැනීම සඳහා ඔයාට උදව් වෙන දේවල් කිහිපයක් ගැන අපි කලින් article එකකින් කතා කළා. එකේදී jobs advertise කරන්නේ කොහේද කියන එක සහ job එකක් හොයාගන්න social media හරියටම පාවිච්චි කරන්න ඕන විදිහ සහ Employers ලා වැඩිපුරම භාවිත කරන recruitment methods මොනවද කියලා අපි කලින් කතා කරා.

අපි මීළඟට බලන්නේ රැකියාවකට බඳවා ගන්නකොට employersල සලකා බලන දේවල් මොනවද කියල. මුලින්ම කතා කරමු හරියටම ගැලපෙන කෙනා සොයා ගැනීම සහ රැකියාවක් සඳහා අවශ්‍ය වන සුදුසුකම් ගැන. 

රැකියාවකට බඳවා ගැනීමේදී, සේවායෝජකයින් සොයන්නේ ඔවුන්ගේ රැකියාවට සහ ව්‍යාපාරයට සුදුසු පුද්ගලයෙක්ව. සාමාන්‍යයෙන්, ඔවුන් සලකා බලන පරාසයක් තුළ නිවැරදි සුදුසුකම් සහ/හෝ සේවා පළපුරුද්ද වගේම රැකියා නියුක්ති කුසලතා තිබේද කියන එකත් මෙහිදී සලකා බලනවා.

රැකියා වර්ගය අනුව, සේවායෝජකයින් සමහර අංශ සම්බන්ධයෙන් සලකා බලන කාරණා වෙනස් වෙනවා. උදාහරණයක් විදිහට, සේවායෝජකයෙකුට කිසිදු සේවා පළපුරුද්දක් නොමැති කෙනෙක්ව Checkout Operator කෙනෙක් ලෙස බඳවා ගත හැකි නමුත් කණ්ඩායම් වැඩ සහ සන්නිවේදන කුසලතා වැනි රැකියා නියුක්ති කුසලතා ද සලකා බලනවා.

සමස්තයක් වශයෙන්, රැකියා සඳහා වඩාත් ඉහළ කුසලතා අවශ්‍ය වෙමින් පවතිනවා. ඒ නිසාම අනාගතයේ බොහෝ රැකියා සඳහා වෘත්තීය අධ්‍යාපනය සහ පුහුණුව හෝ විශ්ව විද්‍යාල සුදුසුකම් අවශ්‍ය වෙනවා. 

Jobs and Skills Australia (JSA) හි රැකියා පිලිබඳ දත්ත වලින් පෙනී යන්නේ ඉදිරි වසර 10 තුළ වර්ධනය වන රැකියා අතරින් 90% කට වඩා වැඩි ප්‍රමාණයක් සඳහා post-secondary-school training සහ අධ්‍යාපනය අවශ්‍ය වනු ඇති බවයි. සියලුම කුසලතා මට්ටම් වල සිටින අය සඳහා රැකියා තිබුණත්, post-school education දක්වා අධ්‍යාපනය ලබා ඇති අය සඳහා ශ්‍රම වෙළඳපොළ තව තවත් වැඩිදියුණු වෙනවා.

2024 දී, වයස අවුරුදු 15 ත් 74 ත් අතර ඕස්ට්‍රේලියානුවන්ගෙන් 69% ක් පශ්චාත් පාසල් සුදුසුකම් ලබා ගත් හෝ ඒ වන විට අධ්‍යාපනය ලබමින් සිටි අයයි. මෙම අගය දශකයකට පෙර 63% ක්ව පැවති අතර මෙහි ඉහළ යාමක් පෙන්නුම් කරනවා.

හොඳ රැකියාවක් සඳහා ඇති එකම මාර්ගය විශ්ව විද්‍යාලය පමණක්ම නෙවෙයි. Apprenticeships, Traineeships, Diplomas, හෝ Certificate III හෝ IV මට්ටමේ සුදුසුකම් යන සියල්ලම ස්ථාවර සහ ප්‍රතිලාභදායක වෘත්තියක් සඳහා ඔබව සකසන හොඳ විකල්ප වෙනවා.