තමන්ගේම business එකක් පටන් ගන්න හිතන් ඉන්න කෙනෙක්ට අවශ්‍ය හැමදේම පියවරෙන් පියවර අපි මේ ලිපි මාලාවෙන් කතා කරනවා.
Business එකක් පටන් ගන්න කලින් පරීක්ෂා කළ යුතු දේවල්, තීරණය කල යුතු දේවල් සහ කළ යුතු දේවල් මොනවද?, business එක හරියට define කරගන්නේ කොහොමද? business එකේ ව්‍යුහය, නම සහ ස්ථානය වගේ දේවල් තීරණය කරගන්න විදිය, business එකට ගැලපෙන Business Plan එක හදාගන්න විදිහ, Business එක Register කරන ආකාරය, Business එකට අදාළ මූල්‍ය කටයුතු සංවිධානය කරගන්න ආකාරය, ව්‍යාපාරය promote කරන්නේ කෙසේද සහ ගනුදෙනුකරුවන් සමඟ සම්බන්ධ වන්නේ කෙසේදැයි ගැන අපි කලින් articles වලින් කතා කළා.
ඕනෑම ව්‍යාපාරයක් පුළුල්ව කරගෙන යනවනම් ඒ සඳහා තනි කෙනෙක්ගේ ශ්‍රමය පමණක් ප්‍රමාණවත් නොවෙන්න පුළුවන්. ඒ වගේම ව්‍යාපාරය සම්බන්ධ සියලු කටයුතු සඳහා විවිධ මට්ටමේ කුසලතා, දැනුම සහ සම්පත් වෙනත් පාර්ශව වලින් ලබාගන්නට සිදුවෙන්න පුළුවන්.
ඒ නිසා තමයි ඒ කාර්යයන් සඳහා අපිට කාර්යය මණ්ඩලයක් අවශ්‍ය වෙන්නේ. ඔයාගේ Business එකට හරියට Employees ලා බඳවා ගන්න විදිහ ගැන සහ අවශ්‍ය contractors ලා සම්බන්ධ කරගන්න විදිහ අපි කලින් articles වලින් කතා කළා. ඒ නිසා අද අපි බලමු කොහොමද අවශ්‍ය ආධුනිකයින් සහ අභ්‍යාසලාභීන් සම්බන්ධ කරගන්නේ කියලා.
- ආධුනිකයින් හෝ අභ්‍යාසලාභීන් බඳවා ගන්න
ආධුනිකයෙකු හෝ අභ්‍යාසලාභීයෙකු බඳවා ගැනීම ඔයාගේ ව්‍යාපාරයේ දක්ෂතා වර්ධනය කිරීමට සහ දක්ෂ ශ්‍රම බලකායක් වර්ධනය කිරීමට උදව් වෙනවා.
ආධුනිකයින්ට සහ පුහුණුවන්නන්ට ලැබෙන්නේ:
- රැකියා ස්ථානයේ පුහුණුව
- registered training organisation (RTO) එකකින් විධිමත් සුදුසුකමක්
- අනෙකුත් සේවකයින්ට වඩා අඩු වැටුප් අනුපාත
- අනෙකුත් සේවකයින්ට සමාන රැකියා කොන්දේසි
ආධුනිකයෙකු හෝ පුහුණුවන්නෙකු බඳවා ගැනීම සඳහා ඔයාගේ ව්‍යාපාරයට මූල්‍යමය සහාය ලබාගන්න පුළුවන්.
කලින් articles වලින් employees ලා සහ contractors ලා ගැන කතා කරපු දේවල් සහ අද apprentices හෝ trainees ලා ගැන කතා කරපු හැමදේම සාරාංශයක් විදිහට ගත්තම, ඔයාගේ business එකට employees ලා, contractors ලා, apprentices හෝ trainees ලා සම්බන්ධ කරගැනීමට අදාළ ඔයාගේ checklist එක වෙන්නේ;
- ඔබේ කාර්ය මණ්ඩල අවශ්‍යතා හඳුනා ගන්න
- වැටුප්, නිවාඩු, විශ්‍රාම වැටුප් සහ අනෙකුත් හිමිකම් සඳහා ඔබේ වගකීම තේරුම් ගන්න
- ඔබට අවශ්‍ය සේවකයින් බඳවා ගන්න
- Employment contract එකක් නිර්මාණය කර අත්සන් කරන්න
- සේවය සපයන්න employee කෙනෙක් නොව contractor කෙනෙක් බව සහතික කර ගන්න
- Contractor rights සහ protections තේරුම් ගන්න
- වැඩ සඳහා කොන්ත්‍රාත්තුවක් සාකච්ඡා කර අත්සන් කරන්න
- ආධුනිකයෙකු හෝ පුහුණුවන්නෙකු ඔයාගේ ව්‍යාපාරයට සුදුසු දැයි තීරණය කරන්න
- සේවායෝජකයෙකු ලෙස ඔබේ වගකීම් තේරුම් ගන්න
- ආධුනිකයෙකු හෝ පුහුණුවන්නෙකු සොයා ගන්න
- විධිමත් ඉගෙනුම් ගිවිසුමක් අත්සන් කර ලියාපදිංචි කරන්න
