පැරිසියේ ලූවර් හි ප්‍රංශ ඔටුනු ආභරණ කිහිපයක් සොරකම් කිරීමෙන් පැය කිහිපයකට පසු තවත් ප්‍රංශ කෞතුකාගාරයක යුරෝ 90,000 (පවුම් 78,000; USD 104,000) පමණ වටිනා රන් හා රිදී කාසි 2,000 ක් පමණ සොරකම් කර තිබෙනවා.

මෙම සිදුවීම සිදු වූයේ ඉරිදා රාත්‍රියේ ඊසානදිග ප්‍රංශයේ Landres හි ප්‍රංශ දාර්ශනික Denis Diderot වෙනුවෙන් වෙන් කරන ලද කෞතුකාගාරයකයි.

Maison des Lumières (House of Enlightenment) අඟහරුවාදා විවෘත කළ අවස්ථාවේ කම්කරුවන් කැඩුණු ප්‍රදර්ශන පෙට්ටියක් දැක අනතුරු ඇඟවීමක් කළ බව නිලධාරීන් පවසනවා. කාසි විශේෂඥතාවයෙන් යුතුව තෝරාගෙන ඇති බව ප්‍රාදේශීය අධිකාරිය ප්‍රංශ මාධ්‍ය වෙත කළ ප්‍රකාශයක සඳහන් වුණා.

එය ප්‍රංශය පුරා සංස්කෘතික ආයතනවල මෑත කාලීනව සිදු වූ මංකොල්ලකෑම් මාලාවක නවතම එකයි.

සොරකම් කරන ලද කාසි 1790 සහ 1840 අතර කාලයට අයත් වන අතර 2011 දී කෞතුකාගාරය පිහිටා ඇති ගොඩනැගිල්ලේ ප්‍රතිසංස්කරණ කටයුතු අතරතුර සොයා ගැනීමෙන් පසු නගරයේ පෞද්ගලික එකතුවේ කොටසක් ලෙස පවතින බව දේශීය මාධ්‍ය වාර්තා කරනවා.

පසුගිය මාසයේ පැරිසියේ Natural History Museum එකට කඩා වැදුණු අපරාධකරුවන් යුරෝ මිලියන 1.5 ක් පමණ වටිනා රන් කැබලි 6ක් පැහැරගෙන ගොස් තිබෙනවා.

මෙම සිදුවීම සම්බන්ධයෙන් චීන ජාතිකයෙකු බාර්සිලෝනාහිදී අත්අඩංගුවට ගත් බව පැවසෙනවා. ඇයට මේ මස මුලදී චෝදනා එල්ල වූ අතර ඇය නඩු විභාගයට පෙර රඳවා තබා තිබෙනවා.

සැප්තැම්බර් මාසයේදී ද සොරුන් මධ්‍යම නගරයේ Limoges හි ජාතික පෝසිලේන් කෞතුකාගාරයෙන් චීන පෝසිලේන් පිඟන් 2ක් සහ යුරෝ මිලියන 6.55 ක ඇස්තමේන්තුගත ඒකාබද්ධ වටිනාකමක් සහිත බඳුනක් සොරකම් කළා. භාණ්ඩ තවමත් අතුරුදහන් වී ඇති අතර කිසිවෙකු අත්අඩංගුවට ගෙන නැහැ.

“ඒවා කලා වෙළඳපොලේ විකිණිය නොහැකියි. ඒවා ඉතා හොඳින් ලැයිස්තුගත කර ඇති නිසා කෙසේ හෝ පහසුවෙන් සොයාගත හැකියි” පිඟන් මැටි විශේෂඥයෙක් එවකට Le Parisien පුවත්පතට පැවසුවා.

ලොව පුරා ප්‍රධාන පුවත් මැවූ මංකොල්ලය වූයේ පැරිසියේ ලූවර් කෞතුකාගාරයෙන් යුරෝ මිලියන 88 ක් වටිනා ඓතිහාසික ආභරණ එළිපිට කොල්ලකෑමයි.

ඉරිදා දින විවෘත කිරීමෙන් ටික වෙලාවකට පසු ලොව වැඩිපුරම පිරිසක් නරඹන කෞතුකාගාරයේ ඇපලෝ හි පළමු මහලේ ගැලරියට කම්කරුවන් ලෙස වෙස්වලාගත් කල්ලියක් ඇතුළු වුණා.

මෙම කොල්ලයට නැපෝලියන් අධිරාජ්‍යයා තම බිරිඳට දුන් දියමන්ති සහ මරකත මාලයක්, III නැපෝලියන්ගේ බිරිඳ වන ඉයුජිනි අධිරාජිනිය විසින් පැළඳ සිටි ටියාරාවක් සහ මාරි-ඇමලි රැජින සතු වූ අයිතම කිහිපයක් ද ඇතුළත් වුණා.

ප්‍රංශයට එහි මිල කළ නොහැකි ඔටුනු ආභරණ ලබා ගත හැකිද? නැතහොත් එය ප්‍රමාද වැඩිද?

කලා රහස් පරීක්ෂක Arthur Brand පැවසුවේ යුරෝපය පුරා BBC museums වල ඉදිරි මාසවලදී මේ හා සමාන වැටලීම් රාශියක් දැකිය හැකි බවයි.

යමෙකුට ලුවර් ඉලක්ක කර ප්‍රංශ ඔටුනු ආභරණ සමඟ පැන යා හැකි නම්, දේශීය සොරුන් “අපි ළඟම ඇති කෞතුකාගාරය උත්සාහ කරමු” යැයි සිතිය හැකියි යනුවෙන් ඔහු පැවසුවා.

බොහෝ සංස්කෘතික ආයතන සඳහා ආරක්ෂාව පැහැදිලිවම ගැටලුවක්ව ඇති බව ඔහු පැවසුවා. දැඩි ලෙස ආරක්ෂිත ස්වර්ණාභරණ ගබඩාවකට සාපේක්ෂව, දුර්වල ආරක්ෂාවක් සහ නිරායුධ ආරක්ෂකයින් සහිත කෞතුකාගාරයක් කොල්ලකරුවන්ට පහසු ඉලක්කයක් බව ඔහු පවසනවා.

ලූවර් මංකොල්ලය මෙන්ම අනෙකුත් සිදුවීම් ප්‍රංශයේ එහි වටිනාම නිධන් කිහිපයක් ගබඩා කර ඇති ආයතනවල ආරක්ෂාව දුර්වල වීම පිළිබඳව අවධානය යොමු කිරීමට හේතු වී තිබෙනවා.