අද වෙනකොට AI කියන්නේ ලොකු කුඩා සෑම කෙනෙක්ම භාවිත කරන දෙයක්. AI භාවිතය බොහෝ කටයුතු සඳහා හිතාගන්න බැරි තරම් සහයෝගයක් ලබා දෙනවා. නමුත් මේ AI භාවිත කරන්නන් අතර සිටින ඇතැම් පිරිස් AI විසින් ලබා දෙන සෑම දෙයක්ම කිසිම සොයා බැලීමකින් තොරව විශ්වාස කරන්න පුරුදු වෙලා ඉන්නවා.

Google හි මව් සමාගමේ ප්‍රධානියා පවා මේ මෑතකදී ප්‍රකාශ කළා කෘත්‍රිම බුද්ධි මෙවලම් පවසන සෑම දෙයක්ම අන්ධ ලෙස විශ්වාස නොකළ යුතු බව.

BBC සමඟ පැවති සම්මුඛ සාකච්ඡාවකදී, Alphabet හි ප්‍රධාන විධායක නිලධාරී Sundar Pichai, AI models දෝෂ වලට ගොදුරු විය හැකි බව පැවසූ අතර අනෙකුත් tools සමඟ ඒවා භාවිතා කරන ලෙස ජනතාවගෙන් ඉල්ලා සිටියා.

මැයි මාසයේ සිට, Google එහි Gemini chatbot භාවිතයෙන් එහි search එකට “AI Mode” එකක් හඳුන්වා දී ඇති අතර, එමගින් පරිශීලකයින්ට විශේෂඥයෙකු සමඟ කතා කිරීමේ අත්දැකීම ලබා දීම අරමුණු කරනවා.

Google හි පාරිභෝගික AI model එක වන Gemini 3.0, ළඟදීම දියත් කිරීමට අපේක්ෂා කරන නමුත් සමාගම තවමත් දිනයක් නම් කර නැහැ.

ඔබට නිර්මාණශීලීව යමක් ලිවීමට අවශ්‍ය නම්, AI මෙවලම් ප්‍රයෝජනවත් වුවද, මිනිසුන් ඔවුන් දක්ෂ දේ සඳහා මෙම මෙවලම් භාවිතා කිරීමට ඉගෙන ගත යුතු අතර, ඔවුන් පවසන සෑම දෙයක්ම අන්ධ ලෙස විශ්වාස නොකළ යුතු බව Sundar Pichai පවසනවා.

මෑතකදී AI තාක්‍ෂණ සමාගම්වල වටිනාකම වැඩි වී ඇති අතර සමාගම්, වේගයෙන් වර්ධනය වන මෙම කර්මාන්තය සඳහා විශාල මුදලක් වැය කරන බැවින් සිලිකන් නිම්නයේ සහ ඉන් ඔබ්බට මේ පිලිබඳ අවධානය යොමු වී තිබෙනවා.

AI bubble bursting එකක බලපෑමෙන් Google නිදහස් වේද යන්න විමසූ විට, ඔහු පැවසුවේ කිසිඳු සමාගමකට ඉන් නිදහස් විය නොහැකි බවයි.

පසුගිය මාසයේ, ඇමරිකාවේ විශාලතම බැංකුවේ ප්‍රධානියා පැවසුවේ එක්සත් ජනපද කොටස් වෙළඳපොළ කඩා වැටීමට බොහෝ මූල්‍යකරුවන් විශ්වාස කරනවාට වඩා වැඩි අවධානමක් ඇති බවයි.

භූ දේශපාලනික පරිසරය, මූල්‍ය වියදම් සහ ලෝකය නැවත මිලිටරිකරණය කිරීම ඇතුළු අවදානම් පෙන්වා දෙමින්, අවිනිශ්චිත වාතාවරණයක් නිර්මාණය කරන බොහෝ දේවල් ඇති බව විද්වතුන් පෙන්වා දෙනවා.