ඕස්ට්රේලියානු රජය ශ්රී ලංකාව සඳහා අතිරේක ඕස්ට්රේලියානු ඩොලර් මිලියන 2.5 ක මුදලක් ප්රකාශයට පත් කර තිබෙනවා. ඒ අනුව ‘දිට්වා’ සුළි කුණාටුව වෙනුවෙන් ඕස්ට්රේලියාවෙන් ලැබුණු ආධාරය ඕස්ට්රේලියානු ඩොලර් මිලියන 3.5 දක්වා වැඩි කර තිබෙනවා.
ශ්රී ලංකාව, පිලිපීනය, තායිලන්තය සහ වියට්නාමය ඇතුළු සියලුම බලපෑමට ලක් වූ රටවල් සමඟ ඕස්ට්රේලියාව සම්බන්ධ වී සිටින අතර, හදිසි අවශ්යතා සපුරාලීම සඳහා ඕස්ට්රේලියානු රාජ්ය නොවන සංවිධාන සහ එක්සත් ජාතීන්ගේ සංවිධානය හරහා සහාය ලබා දෙන බව විදේශ කටයුතු අමාත්යාංශයේ නිවේදනයක දැක්වෙනවා.
මෑත සතිවලදී, ඕස්ට්රේලියාවේ සමීප හවුල්කරුවන් සුළි සුළං, ගංවතුර, භූමිකම්පා සහ නායයෑම් වල විනාශකාරී බලපෑම් අත්විඳ තිබෙන අතර ඉන්දුනීසියාව, මැලේසියාව, පිලිපීනය, ශ්රී ලංකාව, තායිලන්තය සහ වියට්නාමය යන රටවල ප්රජාවන් සියල්ලම පීඩාවට පත්ව ඇති බව අමාත්යාංශය පවසනවා.
ඕස්ට්රේලියාවේ සහයෝගය හදිසි සහන සැපයුම්, නවාතැන්, ආහාර, ජලය සහ සනීපාරක්ෂාව සැපයීම සඳහා වන අතර, සෞඛ්ය සහ අධ්යාපනය සඳහා සහාය ඇතුළුව අවතැන් වූ ප්රජාවන්ගේ අවශ්යතා සපුරාලීම සහ කාන්තාවන්, ගැහැණු ළමයින් සහ ආබාධිත පුද්ගලයින් ඇතුළු වඩාත් අවදානමට ලක්විය හැකි අයගේ අවශ්යතා සඳහා ප්රමුඛතාවය ලබා දෙනවා.
ඕස්ට්රේලියානු රජය නිවේදනය කළේ ඉන්දු-පැසිෆික් කලාපය පුරා ස්ථිර සහ විශ්වාසදායක හවුල්කරුවෙකු ලෙස කලාපයේ රටවල් සහ ප්රජාවන් සමඟ අඛණ්ඩව කටයුතු කරන බවයි.
“අග්නිදිග ආසියාවේ සහ ශ්රී ලංකාවේ මෑත කාලීන ගංවතුර හා විනාශයෙන් පීඩාවට පත් වූ සියලු දෙනා සමඟ අපි සිටිනවා. ඔවුන්ගේ ප්රතිචාරයන් වේගවත් කිරීම සඳහා ජීවිතාරක්ෂක ආධාර ලබා දීම සඳහා අපි කලාපයේ අපගේ හවුල්කරුවන් සමඟ කටයුතු කරමින් සිටිනවා. හොඳ සහ නරක කාලවලදී අපගේ අසල්වැසියන්ට සහාය වීමට ඕස්ට්රේලියාව කැපවී සිටින අතර අපි අපගේ කලාපයට විශ්වාසය තැබිය හැකි හවුල්කරුවෙක්.” යනුවෙන් විදේශ කටයුතු අමාත්ය Penny Wong පවසා තිබුණා.
