Jetstar ගුවන් සේවය ලබන වසරේ අගෝස්තු මාසයේදී ඕස්ට්‍රේලියාවේ සිට ශ්‍රී ලංකාව දක්වා ප්‍රථම වරට ගුවන් ගත වන අතර, මෙල්බර්න් සිට කොළඹ දක්වා ඇති එකම සෘජු, අඩු වියදම් සේවාව (direct low-cost service) දියත් කරන බව Jetstar අද (8 – සඳුදා) නිවේදනය කර තිබුණා.

2026 අගෝස්තු 25 වන දින සිට, Jetstar මෙම route එක ක්‍රියාත්මක කරන පළමු ඕස්ට්‍රේලියානු ගුවන් සේවය බවට පත් වීමට නියමිතයි. මෙල්බර්න් සහ කොළඹ අතර සතියකට 3 වතාවක් පියාසර කරන අතර, නව මාර්ගයේ වසරකට low-fare seats 100,000 කට වඩා ලබා දෙන බවත් දක්වා තිබුණා.

වැඩිදියුණු කළ ගුවන් යානා

මෙම වසර පුරා සේවාව, Jetstar හි පුළුල් බඳ සහිත Boeing 787 Dreamliners, 11 ක ඇණිය මගින් ක්‍රියාත්මක කරනු ලබන අතර ඒවා ලබන වසරේ මුල සිට ක්‍රමයෙන් වැඩිදියුණු කිරීමට නියමිතයි. 

අභ්‍යන්තර ප්‍රතිසංස්කරණ අතරට business class seats ගණන දෙගුණ කිරීම වගේම Wi-Fi පහසුකම් ලබා දීම ආදියත් ඇතුළත්.

විකුණුම් ගාස්තු

අද (8) මධ්‍යහ්නයේ (AEDT) සිට විකිණීම ආරම්භ කරන බවද Jetstar දන්වා තිබුණා.

ඒ අවස්ථාවේදී, Jetstar විසින් jetstar.com හි $315 සිට ආරම්භ වන Melbourne (Tullamarine) – Colombo, 24-hour Route Launch Sale එකක් දියත් කරනවා.

මෙම sale එක 2025 දෙසැම්බර් 9 වන අඟහරුවාදා (හෙට) දහවල් 12.00 ට අවසන් වෙනවා (විකිණී අවසන් නොවේ නම්). මීට අදාළ අනෙකුත් කොන්දේසි දැනගැනීම සඳහා පහත දී ඇති link එකෙන් newsroom.jetstar.com වෙත පිවිසෙන්න.

Jetstar හි වර්ධනය

මෙල්බර්න් සිට කොළඹ දක්වා ගුවන් ගමන් දියත් කිරීම සිදුවන්නේ Jetstar හි වසර 22කට ආසන්න ඉතිහාසයේ වඩාත්ම උද්යෝගිමත් වර්ධන කාල පරිච්ඡේදයක් තුළයි.

පසුගිය වසර 2 තුළ, ගුවන් සේවය නව මාර්ග 26ක් ප්‍රකාශයට පත් කර ඇති අතර නව ගුවන් යානා 13ක් යොදවා තිබෙනවා. එමඟින් සංචාරකයින්ට අඩු මුදලකට වැඩි සේවාවක් සලසනවා.

2025 වසර කැපී පෙනෙන වසරක් වූ අතර, නව මාර්ග 14ක් ප්‍රකාශයට පත් කර තිබෙනවා. 

මෙම වසරේදී මෙල්බර්න් පදනම් කරගත් මෙම ගුවන් සේවය Melbourne හි T4 සිට දේශීයව ක්‍රියාත්මක වීමේ 10 වන වසර සමරන අතර, මිලියන 50කට අධික ගනුදෙනුකරුවන් සංඛ්‍යාවක් රැගෙන ගොස් තිබෙනවා.

Holiday peak travel 

Jetstar, දෙසැම්බර් සහ ජනවාරි මාසවලදී ඕස්ට්‍රේලියාව, නවසීලන්තය, ජපානය සහ ජාත්‍යන්තර ජාලය හරහා මිලියන 6කට ආසන්න මගීන් සංඛ්‍යාවක් වාර්තාගත ලෙස රැගෙන යාමට සූදානමින් සිටිනවා.

Summer peak එකේදී මෙල්බර්න් හරහා පමණක් පියාසර කරන වාර්තාගත මගීන් ගණන මිලියන 1.7ක්.

Jetstar ප්‍රධාන විධායක නිලධාරී Stephanie Tully පැවසුවේ ගුවන් සමාගමේ මෙල්බර්න් සිට කොළඹ දක්වා route එක ඕස්ට්‍රේලියානුවන්ට ශ්‍රී ලංකාව වෙත වැඩිපුර ගමන් කිරීමට නව, සෘජු සහ දැරිය හැකි අවස්තාවක් ලබා දෙන බවයි.

“කොළඹ යනු ඇදහිය නොහැකි ගමනාන්තයක් වන අතර, ලබන වසරේ අගෝස්තු මාසයේ සිට, ඕස්ට්‍රේලියානුවන්ට සුන්දර ශ්‍රී ලංකාව ලබා දෙන සෑම දෙයක්ම අත්විඳීමට පහසු කිරීමට අපි බලාපොරොත්තු වෙනවා. අපගේ නිජබිම වන මෙල්බර්න් වෙතින් පිටතට යන මෙම නව route එක Jetstar සඳහා දැවැන්ත වර්ධන අවධියක කොටසක්. අපි නව ගමනාන්ත, තවත් ගුවන් යානා එකතු කර ඇති අතර, සංචාරකයින්ට තවත් තේරීමක් සහ අඩු මුදලකට ගුවන් ගත වීමට අවස්ථා ලබා දීම සඳහා අපි අපගේ ජාත්‍යන්තර ජාලය පුළුල් කිරීම දිගටම කරගෙන යනවා.”

4 වන පර්යන්තය විවෘත කිරීමෙන් පසු ගුවන් තොටුපළ සහ ගුවන් සේවය වසර 10 ක් සමරන අවස්ථාවේ, මෙල්බර්න් ගුවන් තොටුපළෙහි ප්‍රධාන විධායක නිලධාරී Lorie Argus, ශ්‍රී ලංකාව වෙත යන Jetstar හි නව ගුවන් ගමන් පිලිබඳ සඳහන් කළා.

“කලාපයේ වේගයෙන්ම වර්ධනය වන ගමනාන්තයක් වන ශ්‍රී ලංකාව, මෙල්බර්න් සිට Jetstar හි 10 වන ජාත්‍යන්තර ගමනාන්තය බවට පත්වීම දැකීම ගැන අපි සතුටු වෙනවා. Jetstar හි ගුවන් ගමන් වැඩි වීම කියන්නේ වඩාත් අඩු මුදලකින් සංචාරය කිරීමට හැකි වීමයි. දැන් වික්ටෝරියානුවන්ට විවේකය සඳහා ලෝකයේ මෙම ප්‍රදේශය ගවේෂණය කිරීමට හෝ පවුලේ අය සහ ඥාතීන් බැලීමට යාම වෙන කවරදාටත් වඩා පහසු වෙනවා. Jetstar 4 වන පර්යන්තයේ දශකයක් සනිටුහන් කරන අතරතුර අපි ප්‍රධාන සන්ධිස්ථානයක් සනිටුහන් කරමින් සිටිනවා. අපගේ හවුල්කාරිත්වය ශක්තිමත් වී ඇති ආකාරය දැකීම අපූරුයි. දශකයකට පසු, Jetstar හි විශාලතම මධ්‍යස්ථානය වීම ගැන අපි ආඩම්බර වෙනවා.”

Flight schedules 

2026 අගෝස්තු 25 වන දා සිට 2026 ඔක්තෝම්බර් 03 වන දා දක්වා ගුවන් ගමන් කාලසටහන Jetstar විසින් පහත පරිදි දක්වා තිබුණා. අනෙකුත් කාල සඳහා daylight savings අනුව වෙනස්කම් සිදු විය හැකි බව ද එහි දක්වා තිබෙනවා.

අදාළ වෙන කොන්දේසි සහ වැඩිදුර තොරතුරු දැනගන්න පහත ලින්ක් එකෙන් newsroom.jetstar.com වෙත පිවිසෙන්න.

https://newsroom.jetstar.com/jetstar-to-launch-australias-only-low-cost-direct-flights-to-sri-lanka-with-fares-from-just-315/#

Image credit: www.jetstar.com