වයස අවුරුදු 16ට අඩු දරුවන් සඳහා සමාජ මාධ්ය වාරණය කිරීමට ඕස්ට්රේලියානු රජය ගත් තීරණයට එරෙහිව Reddit සමාගම නඩු පවරා තිබෙනවා.
මෙම වයස අවුරුදු 16 ට අඩු පුද්ගලයන්ට ඇති සමාජ මාධ්ය තහනම සම්බන්ධයෙන් Reddit හි නීතිමය අභියෝගයට එරෙහිව ඕස්ට්රේලියානු රජය සෑම පියවරකදීම සටන් කරන බව සෞඛ්ය අමාත්ය Mark Butler පවසා තිබෙනවා.
බදාදා සිට පළමු වරට බලාත්මක වූ නීතිවලට එරෙහිව මෙලෙස මහාධිකරණයේ නඩුවක් ගොනු කර තිබෙනවා.
වයස අවුරුදු 16 ට අඩු ඕස්ට්රේලියානු පරිශීලකයින් accounts නිර්මාණය කිරීම හෝ තබා ගැනීම සීමා කළ යුතු වේදිකා 10 අතරට Reddit ද ඇතුළත්.
එක්සත් ජනපදය පදනම් කරගත් මෙම සමාගම සතිය මුලදී නව නීතියට අනුකූල වන බව පැවසූ නමුත් Reddit වෙත එය අදාළ කිරීම “අත්තනෝමතික” සහ “නීත්යානුකූලව වැරදි” බව තර්ක කර සිටියා.
එහි ඇතුළත් කිරීම අවලංගු කිරීමට ඉල්ලා සිකුරාදා උදෑසන ගොනු කරන ලද නඩුවකදී, සමාගම තර්ක කළේ එය age-restricted app එකක් නොවන නිසා සහ නීතිය දේශපාලන සන්නිවේදන නිදහස උල්ලංඝනය කරන නිසා තහනම් වේදිකා ලැයිස්තුවෙන් එය ඉවත් කළ යුතු බවයි.
නිවේදනයක් නිකුත් කරමින්, Reddit පැවසුවේ “නීතිය ප්රධාන වශයෙන් වැඩිහිටියන් සඳහා වූ forum එකක් වන අතර රජය ගැටලුවක් බවට පත් කර ඇති සාම්ප්රදායික සමාජ මාධ්ය විශේෂාංග අප සතුව නොමැති” බැවින්, එය වැරදි ලෙස ක්රියාත්මක කර ඇති බවයි.
සිකුරාදා, Mark Butler පැවසුවේ Reddit හි නීතිමය අභියෝගය පුදුමයක් නොවන බව සහ එය දේශපාලන නිදහස ආරක්ෂා කරන බවට සමාගමේ තර්කය ප්රතික්ෂේප කළ බවයි.
“තරුණයින්ගේ මානසික සෞඛ්යයේ වියදමින් ඔවුන් උපයන ලාභ ආරක්ෂා කිරීමට ගත් ක්රියාමාර්ගයක් වන අතර, අපි මෙම ක්රියාවට සෑම පියවරකදීම සටන් කරනවා” යනුවෙන් ඔහු පැවසුවා.
