2026 ඉන්දීය ප්රිමියර් ලීග් (IPL) හි mini-auction එක අද (16) අබුඩාබි හි Etihad Arena හිදී පැවැත්වීමට නියමිත අතර, එය අඛණ්ඩව තුන්වන වසරටත් ඉන්දියාවෙන් පිටත පැවැත්වෙනවා.
මාර්තු දෙවන භාගයේදී ආරම්භ වීමට නියමිත 19 වන තරඟාවලියට පෙර franchises 10ම තම සංචිත ශක්තිමත් කිරීමට උත්සාහ කරන බැවින් ක්රීඩකයින් 359 දෙනෙකු සඳහා වෙන්දේසියක් පැවැත්වෙනවා.
ප්රධාන වෙන්දේසි විස්තර
දිනය: දෙසැම්බර් 16 වන අඟහරුවාදා, එක්සත් අරාබි එමීර් රාජ්යයේ වේලාවෙන් පස්වරු 1 ට ආරම්භ වේ (IST වේලාවෙන් ප.ව. 2:30)
ස්ථානය: Etihad Arena, අබුඩාබි, එක්සත් අරාබි එමීර් රාජ්යය
මුළු ක්රීඩකයින් ගණන: 359
පිරවිය යුතු උපරිම ස්ථාන: සියලුම කණ්ඩායම් වෙත ක්රීඩකයින් 77
උපරිම විදේශීය ක්රීඩකයින්: සියලුම franchises සඳහා 31
මුළු මුදල: රුපියල් කෝටි 237.55
කණ්ඩායම් වල මුදල් පසුම්බි සහ ඉතිරිව ඇති ස්ථාන
Kolkata Knight Riders (KKR) කණ්ඩායම සතුව IPL mini-auction ලැයිස්තුවේ විශාලතම මුදල වන රුපියල් කෝටි 64.30 ක් සහ ක්රීඩකයින් 13 දෙනෙකුගෙන් පිරවිය යුතු වැඩිම ස්ථාන සංඛ්යාව තිබෙනවා.
Chennai Super Kings රු. කෝටි 43.40 ක් සහ ස්ථාන 9ක් සමඟින් සහභාගී වෙනවා.
Mumbai Indians සතුව ඇත්තේ රුපියල් කෝටි 2.75 ක් පමණයි. IPL ඉතිහාසයේ ඕනෑම කණ්ඩායමක් වෙන්දේසියක් ආරම්භ කර ඇති අඩුම මුදල මෙය වන අතර පිරවීමට ඇති ස්ථාන ගණන 5ක්.
අනෙකුත් කණ්ඩායම්වල අතර Sunrisers Hyderabad (රුපියල් කෝටි 25.50), Lucknow Super Giants (රුපියල් කෝටි 22.95), Delhi Capitals (රුපියල් කෝටි 21.80), Royal Challengers Bengaluru (රුපියල් කෝටි 16.40), Rajasthan Royals (රුපියල් කෝටි 16.05), Gujarat Titans (රුපියල් කෝටි 12.90), සහ Punjab Kings (රුපියල් කෝටි 11.50) ඇතුළත් වෙනවා.
සැලකිය යුතු ක්රීඩකයින්
ඕස්ට්රේලියාවේ Cameron Green වඩාත්ම ඉල්ලුමක් ඇති ක්රීඩකයා වනු ඇතැයි අපේක්ෂා කරන අතර ඔහු වෙනුවෙන් වාර්තාගත ලංසුවක් තැබිය හැකි බවට අනාවැකි පල වෙනවා. දැඩි ලංසු තැබීමේ යුද්ධ ඇති කිරීමට ඉඩ ඇති අනෙකුත් ඉහළ පෙළේ නම් අතරට Venkatesh Iyer, Liam Livingstone, David Miller, වනිඳු හසරංග, Ravi Bishnoi, Prithvi Shaw, Jamie Smith, සහ Matt Henry ඇතුළත්.
franchises සඳහා ඇති සැලකිය යුතු මුදල් ප්රමාණ සැලකිල්ලට ගෙන, ක්රීඩකයින් කිහිප දෙනෙකු ඉහළ මිලකට, ඔවුන්ගේ පළමු IPL කොන්ත්රාත්තු ලබා ගනු ඇතැයි ද අපේක්ෂා කරනවා.
වෙන්දේසි ආකෘතිය
මෙගා වෙන්දේසි නෙවෙයි, මෙම mini-auction එක සඳහා marquee set එකක් නැහැ. කෙසේ වෙතත්, පළමු ක්රීඩකයින් 70 දෙනා වෙන්දේසි කිරීමෙන් පසු කඩිනම් ලංසු තැබීමේ වටයක් ආරම්භ වෙනවා.
Image Credit: www.iplt20.com
