වික්ටෝරියා හි Grampians ජාතික වනෝද්‍යානයේ පාලනය කළ නොහැකි ලැව්ගින්නක් තවදුරටත් සැලකිය යුතු තර්ජනයක් එල්ල කරමින් පවතින අතර ගින්න මේ වන විට හෙක්ටයාර 5400කට වඩා පැතිර ඇත. හදිසි අනතුරු ඇඟවීම පහත හෙළා ඇතත්,Mirranatwa,Jimmy Creek සහ වික්ටෝරියා නිම්නය වැනි ප්‍රදේශවල පදිංචිකරුවන්ට වහාම “පිටව යාමට සූදානම් වන්න” යැයි උපදෙස් දෙනු ලැබේ. ජනතාව ඉවත්වීමත් සමඟ මාර්ග තදබදයක් ඇති විය හැකි බවට බලධාරීන් අනතුරු අඟවා ඇති අතර, Grampians Road, Victoria Valley Road ,Yarram Gap Road ඇතුළු මාර්ග කිහිපයක් වසා දමා ඇත. විපතට පත් වැසියන් සඳහා Dunkeld හි සහන මධ්‍යස්ථානයක් පිහිටුවා ඇත. ගින්නෙන් අධික දුමාරයක් පැතිරෙන අතර, පවතින අධික සුළං සහ වියළි කාලගුණය හේතුවෙන් තත්ත්වය අනතුරුදායක ලෙස පවතී. Wimmera සහ Grampians ඇතුළු නිරිතදිග වික්ටෝරියා ප්‍රදේශය මෙම කන්නයේ ලැව්ගිනි ඇතිවීමේ වැඩි අවදානමක් පවතින බව ගිනි නිවීමේ විශේෂඥයන් කලින් අනතුරු අඟවා තිබුණේ භූමියේ ඇති වියළි බව නිසා එය අධික ලෙස දැවෙන තත්ත්වයට පත්වන බැවිනි.