AirPods උපාංගය තාක්‍ෂණික හා සෞඛ්‍ය ක්ෂේත්‍රයේ සැලකිය යුතු වර්ධනයක් සනිටුහන් කරමින් ශ්‍රවණාධාර ලෙස භාවිතා කිරීමට ඕස්ට්‍රේලියාවේ චිකිත්සක භාණ්ඩ පරිපාලනයෙන් (TGA) අනුමැතිය ලැබී ඇත. ශ්‍රවණාධාර සහ ශ්‍රවණ පරීක්ෂණ තාක්ෂණයෙන් සමන්විත AirPods Pro 2 වෛද්‍ය උපකරණ ලෙස වර්ගීකරණය කර ඇත. 

මෘදු හා මධ්‍යස්ථ ශ්‍රවණාබාධ සහිත වයස අවුරුදු 18 හෝ ඊට වැඩි පුද්ගලයින් ඉලක්ක කරගත් තාක්‍ෂණය සමඟින්, පරිශීලකයින්ට දැන් ශ්‍රවණ පරීක්ෂණ සිදුකර ශ්‍රවණාධාර ලෙස AirPods භාවිතා කළ හැකිය.දෙසැම්බර් 17 වන දින ලබා දුන් මෙම අනුමැතිය, AirPods උපාංග සහ ශ්‍රවණ පරීක්ෂණ සඳහා නිර්මාණය කරන ලද ඇපල් මෘදුකාංගය යන දෙකම ආවරණය කරයි. කෙසේ වෙතත්, ඕස්ට්‍රේලියාවේ භාවිතය සඳහා අවශ්‍ය යාවත්කාලීන කරන ලද මෘදුකාංගය තවමත් නිකුත් කර නැත. නමුත් එය දැනටමත් නවසීලන්තය වැනි සමහර රටවල තිබේ. 

මෙම විශේෂාංග ඕස්ට්‍රේලියාවේ ලබා දීම සඳහා මෙය වැදගත් පියවරක් බව Apple විසින් තහවුරු කර ඇති අතර, තාක්‍ෂණය අපේක්ෂාවෙන් එයාර්පොඩ් මිලදී ගත් දේශීය පාරිභෝගිකයින් විසින් යාවත්කාලීන කිරීම පිළිබදව මහත් උනන්දුවෙන් බලා සිටී.