ඕස්ට්‍රේලියාව තුළ උසස් අධ්‍යාපනය හදාරන්න බලාපොරොත්තුවෙන් ඉන්න ඔයාට, ඒ සඳහා හරියනම තැන තෝරාගන්න උදව් වෙන විදිහට මෙරට සියලුම ප්‍රාන්ත සහ ප්‍රදේශවල වගේම ප්‍රධාන නගරවල උසස් අධ්‍යාපන පසුබිම ගැන තමයි අපි මේ කතා කරන්නේ.

කලින් articles වලින් Australian Capital Territory (Canberra), New South Wales (Sydney), Northern Territory (Darwin), Queensland (Brisbane), South Australia (Adelaide) කියන ඕස්ට්‍රේලියාවේ ප්‍රධාන නගර උසස් අධ්‍යාපනය හදාරන්න හිතන් ඉන්න ඔයාට වැදගත් වෙන්නේ කොහොමද කියන එක කතා කළා. අද අපි කියන්න හදන්නේ ඕස්ට්‍රේලියාවේ උසස් අධ්‍යාපනයට සූදානම් වන ඔයා Tasmania සහ එහි ප්‍රධාන නගරය වන Hobart ඇතුළු අනෙකුත් අධ්‍යාපනය සඳහා ප්‍රසිද්ධ නගර සහ විශ්වවිද්‍යාල ගැන වගේම එහි අධ්‍යාපනික පරිසරය ගැන දැනගන්න අවශ්‍ය දේවල්. මේ දේවල් උසස් අධ්‍යාපනය සඳහා සුදුසු විශ්වවිද්‍යාලයක් තෝරාගන්න ඔයාට උදව් වෙයි.

Tasmania

ටැස්මේනියානු ජීවන රටාව, එහි අධ්‍යාපනය මෙන්ම, ගුණාත්මකභාවය සහ සොබාදහම සමඟ ශක්තිමත් සම්බන්ධතාවයක් ගොඩනගාගෙන තිබෙනවා. ටැස්මේනියාව යනු මිත්‍රශීලී ජනතාවක් සහ අන්තර්ජාතික මට්ටමේ අධ්‍යාපනයක් සහිත පරිපූර්ණ අධ්‍යයන ගමනාන්තයක්.

ටැස්මේනියාව ජාත්‍යන්තර සිසුන් 10,200 කට වැඩි පිරිසක් සත්කාරකත්වය දක්වනවා. මෙම ප්‍රදේශය පරිසර සංචාරක ව්‍යාපාරය, ආගන්තුක සත්කාරය සහ රසවත් ආහාර නිෂ්පාදන සඳහා ප්‍රසිද්ධත්වයක් දක්වන විස්මිත ස්වභාව සුන්දරත්වයකට හිමිකම් කියනවා.

අයිස්වලින් වැසී ඇති දකුණු මහාද්වීපයේ ගෝලීය පර්යේෂණ ප්‍රයත්නයට නායකත්වය දෙන සංවිධානවල නිවහන වන්නේද Tasmania බැවින් එය, Antarctic science සඳහා ප්‍රමුඛත්වය ලබා දෙනවා. University of Tasmania ඇතුළු බොහෝ විශ්වවිද්‍යාල සහ වෘත්තීය සැපයුම්කරුවන්ගෙන් Tasmania පෝෂිතයි. මෙම ගෞරවනීය ආයතන ටැස්මේනියාව පුරා උසස් තත්ත්වයේ පාඨමාලා ඔබට ලබා දෙනවා.

ටැස්මේනියාවේ අධ්‍යාපන ක්ෂේත්‍රය සියලුම අධ්‍යයන පසුබිම් හරහා විශිෂ්ටත්වයේ දිගු ගමනක් පැමිණ තිබුණද, එය පහත ක්ෂේත්‍රවල පැහැදිලි ප්‍රමුඛත්වයක් ගන්නවා.

• Antarctic science
• Marine and maritime fields
• Medical science 
• Agricultural sciences

ටැස්මේනියාව දැනට ඉහළ සංවර්ධනයක්  අත්විඳිමින් සිටිනවා. ඕස්ට්‍රේලියාවේ වේගයෙන්ම වර්ධනය වන ආර්ථිකය තත්ත්වයක් , ජනගහනයක්, සංචාරක කර්මාන්තයක්, ජාත්‍යන්තර අධ්‍යාපන පරිසරයක් සහ ඉදිකිරීම් කර්මාන්තයක් ටැස්මේනියාව සතුයි.

Australian Antarctic Division (ඕස්ට්‍රේලියානු ඇන්ටාක්ටික් අංශය), Marine and Antarctic Studies – IMAS (සමුද්‍ර හා ඇන්ටාක්ටික් අධ්‍යයන ආයතනය) සහ Bureau of Meteorology’s (BoM) Antarctic office (කාලගුණ විද්‍යා කාර්යාංශයේ ඇන්ටාක්ටික් කාර්යාලය) යන සියල්ලම Hobart සහ greater Hobart හි පිහිටා තිබෙනවා.

ඇන්ටාක්ටික්, සමුද්‍ර ක්ෂේත්‍රවල ඉගෙනුම ලබන සිසුන්ට on-the-job training, pathway programs, scholarship opportunities, රැකියා සහ අනෙකුත් පශ්චාත් උපාධි විකල්ප ඇතුළු සුවිශේෂී අවස්ථා රැසක් ලැබෙනවා.

ඕස්ට්‍රේලියාවේ සාමාන්‍ය අගයන්ට වඩා වැඩි වැටුප් ටැස්මේනියානු උපාධිධාරීන් ලබා ගන්නවා. ඉතින් ඒ නිසා ඔයත් උසස් අධ්‍යාපනය සඳහා Tasmania තෝරා ගත්තොත් එය ඔබට ඉගෙනුම් අවස්ථා ලෝකයක් විවෘත කර දේවි.

ටැස්මේනියාවේ පිරිසිදු වෙරළ තීරයන්, සහ සුදු වැලි සහිත පැහැදිලි නිල් සාගරය එයට අනන්‍ය වුණු ස්වභාවික සුන්දරත්වයක් එක් කරනවා. නැගෙනහිර වෙරළ තීරයේ, Maria Island කියන්නේ ටැස්මේනියාවේ ස්වදේශික වනජීවීන්, සුන්දර වෙරළ තීරයන් සහ කඳු බෑවුම් දර්ශන අත්විඳිය හැකි ස්වාභාවික වනජීවී අභයභූමියක්.

ස්වභාවික සුන්දරත්වයට කැමති ඔබට අත්විඳීමට සුන්දර විල් සහ තේජාන්විත alpine භූ දර්ශන ඕනෑ තරම් මෙහි තිබෙනවා. Tasmania හි බොහෝ ප්‍රදේශ තරමක් සීතල විය හැකි අතර ශීත මාසවලදී ඔබට හිම දැකීමට පවා අවස්ථාවක් ලැබේවි.

Hobart

Hobart කියන්නේ මිත්‍රශීලී ප්‍රජාවක් ජීවත් වෙන ප්‍රමාණයෙන් තරමක් කුඩා නගරයක්. එය විශිෂ්ට කෝපි, ලෝක ප්‍රසිද්ධ කලාගාර, නිෂ්පාදන වෙළඳපොළවල් සහ රසවත් ආහාර භුක්ති විඳීමට හැකි මනරම් වරායක් අසල පිහිටි සුන්දරම නගරයක්.

මෙහි ප්‍රධාන අධ්‍යාපනය සපයන්නන් වන්නේ University of Tasmania සහ TasTAFE යි. 250,000 ට වැඩි ජනගහනයක් ජීවත් වෙන Hobart නගරය තිරසාරභාවය කෙරෙහි ප්‍රභල අවධානයක් යොමු කරනවා. THE Impact ශ්‍රේණිගත කිරීම්වල UN SDGs වලට දක්වන එහි බලපෑම සඳහා UTAS ගෝලීය වශයෙන් පස්වන ස්ථානයේ සිටිනවා.

හොබාර්ට් වරායේ ඇති බෝට්ටු අනිවාර්යයෙන්ම ඔබේ ඇස ගැටේවි. ඒවා Derwent ගඟ දිගේ ඔබව රැගෙන යා හැකි අමුතුම ලෙස පින්තාරු  කර ඇති විශාල අධි බලැති catamarans.

Museum of Old and New Art (MONA) යනු ජාත්‍යන්තරව ප්‍රසිද්ධ කෞතුකාගාරයක් වන අතර එය Hobart, ලෝක සිතියමේ ප්‍රමුඛ කලා හා සංස්කෘතික ගමනාන්තයක් ලෙස සලකුණු කිරීමට හේතු වෙලා තිබෙනවා. The University of Tasmania School of Creative Arts, MONA සමඟ ශක්තිමත් සබඳතා පවත්වන අතර, එහි සිසුන් බොහෝ විට රට පුරා නරඹන්නන් රැසක් ආකර්ෂණය කර ගැනීමට සමත්, මෙම කෞතුකාගාරයේ පවත්වන Dark Mofo festival එක අතරතුර ඔවුන්ගේ නිර්මාණ කෘති ප්‍රදර්ශනය කරනවා.