X හි “Make America great again” (Maga) ව්යාපාරයේ වඩාත්ම බලගතු පුද්ගලයින් බොහෝ දෙනෙක් රුසියාව, නයිජීරියාව සහ ඉන්දියාව ඇතුළු ඇමරිකා එක්සත් ජනපදයෙන් පිටත රටවල් වල පදනම් වී ඇති බව හෙළි වී තිබෙනවා.
“about this account” ලෙස හැඳින්වෙන අලුත් tool එක සිකුරාදා එලොන් මස්ක්ගේ X platform එකට එකතු වුණා. ගිණුමක් පිහිටා ඇති ස්ථානය, එය නිර්මාණය කළ දිනය, එහි username එක කොපමණ වාරයක් වෙනස් කර ඇත්ද සහ X app එක download කර ඇති ආකාරය බැලීමට එය ඕනෑම කෙනෙකුට ඉඩ ලබා දෙනවා.
මේ update එක දියත් කළ වහාම, දේශප්රේමී ඇමරිකානුවන් ලෙස පෙනී සිටි බොහෝ Maga සහ දක්ෂිණාංශික බලපෑම්කරුවන් වෙනත් රටවලින් ක්රියාත්මක වන බව දැකගන්න පුළුවන් වුණා.
Daily Beast පුවත්පතට අනුව, අනුගාමිකයින් 400,000 කට ආසන්න සංඛ්යාවක් සහ “Patriot Voice for We The People” යන චරිතාපදානය කියවන MAGANationX ගිණුම, ඇත්ත වශයෙන්ම නැගෙනහිර යුරෝපයෙන් ක්රියාත්මක වෙනවා. තවත් ජනප්රිය profile එකක් වන IvankaNews, නීතිවිරෝධී සංක්රමණ, ඉස්ලාම් සහ ට්රම්ප්ට සහාය වීම පිළිබඳව නිතර පළ කරන අනුගාමිකයින් මිලියන 1 ක් පමණ සිටින Ivanka Trump රසික ගිණුමක් නයිජීරියාවේ පිහිටා ඇති බව අනාවරණය වුණා.
තවත් පරිශීලකයන් හෙළි කරන ආකාරයට දළ වශයෙන් අනුගාමිකයින් 15,000 ක් සිටින කුඩා ගිණුමක් වන Dark Maga, තායිලන්තයෙන් පවත්වාගෙන යනු ලබනවා. අනුගාමිකයින් 51,000 කට වඩා සිටින MAGA Scope, නයිජීරියාවෙන් ක්රියාත්මක වන අතර MAGA Beacon දකුණු ආසියාවේ පිහිටා තිබෙනවා.
Reddit හි පරිශීලකයින් ද හෙළිදරව් කිරීමේ උත්සාහයට සම්බන්ධ වූ අතර, ඔවුන්ගේ මූලාරම්භය වැරදි ලෙස නිරූපණය කරන බව පෙනෙන ගිණුම්වල උදාහරණ පළ කළා. එක් Reddit පරිශීලකයෙක් ටෙක්සාස් හි ජීවත් වන බව කියා සිටි නමුත් රුසියාවේ සිටින බව පෙනෙන කාන්තාවකගේ screenshot එකක් පල කළා.
ඉරිදා වන විට, සටහනේ නම් කර ඇති පරිශීලකයාට එක්සත් ජනපදයේ ස්ථානයක සිටින බව පෙනෙන්නට තිබුණා. නමුත් X විසින් VPN එකක් භාවිතා කිරීමේ හැකියාව සලකුණු කර ඇති අතර එමඟින් පරිශීලකයින්ට ඔවුන්ගේ සැබෑ ස්ථානය වසන් කිරීමට ඉඩ සලසනවා. අදහස් දැක්වීම්වල බොහෝ දෙනෙක් ඔවුන් සොයාගත් වෙනත් උදාහරණ පළ කර තිබුණා.
වැරදි තොරතුරු සහ ප්රචාරණ Bots පතුරුවා හැරීම Twitter හි දිගුකාලීන ගැටලුවක් වී තිබූ අතර, මෙය Musk 2022 ඔක්තෝම්බර් මාසයේදී එය මිලදී ගෙන පසුව එය X ලෙස නම් කළ දා සිට සැලකිය යුතු ලෙස උග්ර වී ඇති ගැටලුවක්. එහි AI chatbot වන Grok නිතර නිතර ව්යාජ ප්රකාශ ඉදිරිපත් කරන බව ද සොයාගෙන තිබෙනවා.
France24 වාර්තා කර තිබුණේ Republican Media නමැති ගිණුම ක්රියාත්මක වී ඇත්තේ ශ්රී ලංකාවේ සිට බවයි. නමුත් මේ වන විට එවැනි ගිණුමක් X හි සොයාගත නොහැකි බවත් මාධ්ය වාර්තා කර තිබුණා.
Image credit: www.scmp.com
