ඕස්ට්රේලියානුවන් ඉක්මනින්ම තම සිල්ලර බඩු සඳහා වැඩි මුදලක් ගෙවීමට සිදු වීමට නියමිතයි.
Australian Food and Grocery Council එක දැඩි අනතුරු ඇඟවීමක් කරමින් පවසන්නේ එක්සත් ජනපද-ඉරාන යුද්ධය ගෝලීය වෙළඳපොළවල් අස්ථාවර කරන බවත් ඉන්ධන මිල ගණන් මුරණ්ඩු ලෙස ඉහළ මට්ටමක පවතින බවත්ය.
මැදපෙරදිග අර්බුදයේ බලපෑම සැපයුම් දාමයේ සියලුම කොටස් දක්වා ව්යාප්ත වී ඇති බව AFGC ප්රධාන විධායක Colm Maguire පවසයි.
“අපගේ ගොවිපලවල භාවිතා කරන පොහොරවල සිට ප්රවාහනය කරන ට්රක් රථවල ඉන්ධන සහ අපගේ කර්මාන්තශාලා බලගන්වන ශක්තිය දක්වා, දාමයේ සෑම අවස්තාවකම වඩා මිල අධිකයි.”
ආහාර, පාන වර්ග සහ සිල්ලර බඩු නිෂ්පාදකයින් නියෝජනය කරන AFGC සාමාජිකයින්, තෙල් අර්බුදය සිල්ලර බඩු මිලට බලපාන ආකාරය පිළිබඳව අයිතමයෙන් අයිතමය නිරීක්ෂණය කරමින් සිටි බව Maguire මහතා පැවසුවා.
“මිල කොපමණ ඉහළ යනු ඇත්ද යන්නට සරල පිළිතුරක් නැත, එය ඉතා සංකීර්ණ අවස්ථාවක්” ඔහු පැවසුවා.
මිල ගණන් සඳහා පොහොර, තෙල්, ප්රවාහනය, බලශක්ති නිෂ්පාදනය දක්වා වන සෑම දෙයක්ම වගේම ප්ලාස්ටික් පිරිවැයද බලපානවා. මේ තත්ත්වය යටතේ නිෂ්පාදන ඇසුරුම් කිරීමට යොදාගන්නා කිරි බෝතල් වල ප්ලාස්තික් මූඩියේ සිට cheese wrappers ආදිය දක්වාම මිල ගණන් ඉහළ යාමට දායක වෙනවා.
