ඔස්ට්රේලියාව කියන්නේ ලංකාවේ සිසුන් අතර ඉහළම ඉල්ලුමක් තියෙන අධ්යාපන ගමනාන්තයක්. හැබැයි ඔස්ට්රේලියාවේ උසස් අධ්යාපනයට අයදුම් කරන්න කලින්, එක් එක් පාඨමාලා සඳහා බලපාන මූලික අධ්යාපන සුදුසුකම් (Academic Entry Requirements) මොනවාද කියලා දැනගෙන සිටීම අනිවාර්යයි.
Academic Entry Requirements ගැන අපි කලින් article එකකින් කතා කළා.
https://sannasa.com.au/archives/10569
ඔයා තෝරාගන්නා පාඨමාලා මට්ටම අනුව මෙම සුදුසුකම් වෙනස් වන ආකාරය අද කතා කරමු.
- ඉංග්රීසි භාෂා පාඨමාලා (English language courses – ELICOS) සඳහා සුදුසුකම් මොනවාද?
General English Course සඳහා විශේෂ අධ්යාපන සුදුසුකම් අවශ්ය වෙන්නේ නැහැ.
නමුත් ඔබ IELTS හෝ CAE වැනි Exam Preparation Course එකක් තෝරා ගන්නවා නම්, ඔබ දැනට ඉන්නා මට්ටම පරීක්ෂා කිරීමට ඔවුන් Entry Test එකක් පවත්වනු ලබනවා.
- පාසල් අධ්යාපනය (Schools) සඳහා ඇතුළත් වෙන්නේ කොහොමද?
ඔබ හෝ ඔබේ දරුවා ඔස්ට්රේලියාවේ පාසලකට ඇතුළත් කිරීමට බලාපොරොත්තු වෙනවා නම්, බඳවා ගැනීමේ අවශ්යතා පාසලෙන් පාසලට වෙනස් වෙනවා. එමෙන්ම ඔබ තෝරාගන්නා State එක හෝ Territory එක අනුවත් මේවායේ සුළු වෙනස්කම් තිබිය හැකියි.
- වෘත්තීය පුහුණු පාඨමාලා (Vocational education and training – VET Courses) සඳහා අවශ්යතා මොනවාද?
VET institutions සඳහා ඇතුළත් වීමට බොහෝ විට Entrance Exams පවත්වන්නේ නැහැ. හැබැයි ඇතැම් විශේෂිත පාඨමාලා සඳහා ඔබ මීට පෙර අදාළ විෂයන් හදාරා තිබීම හෝ ක්ෂේත්රයේ සේවා පළපුරුද්දක් ලබා තිබීම අනිවාර්ය වෙන්න පුළුවන්.
- උපාධි පාඨමාලා (Undergraduate Courses) සඳහා සුදුසුකම් මොනවාද?
Bachelor’s Degree එකක් හදාරන්න බලාපොරොත්තු වෙනවා නම්, ඔබට Australian Senior Secondary Certificate of Education (Year 12) හෝ ඊට සමාන වන සුදුසුකමක් තිබිය යුතුයි.
මීට අමතරව, ඔබ තෝරාගන්නා උපාධිය අනුව විශේෂිත විෂයන් හදාරා තිබීම වැනි Prerequisites තිබිය හැකියි.
- පශ්චාත් උපාධි පාඨමාලා (Postgraduate Courses) සඳහා සුදුසුකම් මොනවාද?
Masters හෝ Ph.D. වැනි පශ්චාත් උපාධියක් සඳහා අයදුම් කිරීමට නම්, ඔබ අනිවාර්යයෙන්ම පිළිගත් විශ්වවිද්යාලයකින් මූලික උපාධියක් (Undergraduate Degree) සම්පූර්ණ කර තිබිය යුතුයි.
මීට අමතරව, ඇතැම් උසස් අධ්යාපන ආයතන මඟින් ඔබේ Research Ability එක හෝ ඔබ සතු අදාළ වෘත්තීය ක්ෂේත්රයේ පළපුරුද්ද පිළිබඳවද මෙහිදී සලකා බලනු ලබනවා.
මේවා පොදු මඟ පෙන්වීම් පමණක් වන අතර, ඔබ තෝරාගන්නා විශ්වවිද්යාලය හෝ අධ්යාපන ආයතනය (Education Provider) අනුව නීති රීති තරමක් වෙනස් විය හැකියි. ඒ නිසා අයදුම් කරන්න කලින් ඔවුන්ගේ නිල වෙබ් අඩවිය පරීක්ෂා කරන්න.
