2030 වසර වනවිට ඉන්දියාව ලොව හතරවැනි විශාලතම විදුලි මෝටර් රථ නිෂ්පාදක රට බවට පත්වනු ඇතැයි නවතම වාර්තාවක දැක්වෙයි.

මෙම අනාවරණය සිදු කර ඇත්තේ ගෝලීය ආර්ථිකය සහ ප්‍රතිපත්ති සම්බන්ධව පර්යේෂණ හා විශ්ලේෂණ සිදු කරන Rhodium නමැති ස්වාධීන බුද්ධි මණ්ඩපයයි.

එම වාර්තාව අනුව, ඉදිරි වසර පහ තුළ ඉන්දියාවේ විදුලි වාහන සඳහා ඇති ඉල්ලුම ඒකක මිලියන 1.1 සිට 2.1 දක්වා විශාල වශයෙන් ඉහළ යනු ඇති බව Rhodium සමූහය පෙන්වා දෙයි.

ඒ අනුව, ඉන්දීය විදුලි මෝටර් රථ නිෂ්පාදන ධාරිතාව 2030 වන විට මිලියන 2.5ක් දක්වා ලැබෙනු ඇති අතර, එය වත්මන් ධාරිතාවයට සාපේක්ෂව දස ගුණයකින් ඉහළය.

දැනට ලොව විදුලි මෝටර් රථ නිෂ්පාදනයේ ප්‍රමුඛතම ස්ථානය දරන්නේ චීනය වන අතර, එයට පසුපසින් යුරෝපය සහ ඇමරිකා එක්සත් ජනපදය පවතිනවා.

කෙසේ වෙතත්, ඉන්දියාවට ගෝලීය වෙළඳපොළ—විශේෂයෙන්ම චීනය සමඟ—තරග කිරීමට නම්, නිෂ්පාදන පිරිවැය අඩු කිරීම අත්‍යවශ්‍ය වන බවද Rhodium විසින් විශේෂයෙන් අවධාරණය කරයි.