සිල්ලර වෙළඳාමේ දැවැන්තයෙකු වන Kmart, චීනයේ කර්මාන්තශාලාවලින් වහල් ශ්‍රමයට සම්බන්ධ ඇඳුම් සැපයුම් ලබා ගැනීමෙන් තම සදාචාරාත්මක සහතික වීම් පිළිබඳව ගනුදෙනුකරුවන් නොමඟ යැවූ බවට චෝදනා එල්ල වී තිබෙනවා.

ඕස්ට්‍රේලියාවේ පදනම් වූ Uyghur group එකක්, ෆෙඩරල් අධිකරණයේ මෙම අලෙවිසැලට එරෙහිව නඩුවක් ගොනු කර තිබෙනවා. එමගින් මෙම ජනවාර්ගික කණ්ඩායමේ ශ්‍රමය බලහත්කාරයෙන් භාවිතා කළ සැපයුම්කරුවන්ගෙන්, Kmart දැනුවත්ව තොග ලබා ගත්තේද යන්න බැලීමට ඔවුන් අපේක්ෂා කරනවා.

Kmart සිය සදාචාරාත්මක මූලාශ්‍ර ප්‍රකාශයේ සඳහන්  කර ඇත්තේ එක්සත් ජාතීන්ගේ මානව හිමිකම් පිළිබඳ විශ්ව ප්‍රකාශනයේ දක්වා ඇති  මාර්ගෝපදේශ ඇතුළුව, ජාත්‍යන්තර ප්‍රමිතීන්ට අනුකූලව කටයුතු කිරීමට කැපවී සිටින, මානව හිමිකම්වලට ගරු කරන නිෂ්පාදන සැපයීම තම අරමුණ බවයි.

Australian Uyghur Tangritagh Women’s Association විසින් ගොනු කරන ලද නඩුවේ දැක්වෙන්නේ, Kmart එහි 2024 සහ 2025 කර්මාන්තශාලා ලැයිස්තුවේ Xinjiang Uyghur ස්වයං පාලන කලාපයට සම්බන්ධ සැපයුම්කරුවන් දෙදෙනෙකු ලැයිස්තුගත කර ඇති බවයි.

චීනයේ බටහිර ප්‍රදේශයේ මෙම කලාපය රාජ්‍ය අනුග්‍රහය ලත් බලහත්කාර ශ්‍රමය මෙන්ම Uyghur සහ අනෙකුත් තුර්කි මුස්ලිම් ජනතාවට එරෙහි ම්ලේච්ඡ ක්‍රියා ඇති බවට පැහැදිලිව සඳහන් කර ඇති බවත් එහි දැක්වෙනවා.

මෙම සැපයුම්කරුවන් සම්බන්ධයෙන් එහි සදාචාරාත්මක මූලාශ්‍ර පොරොන්දු ඉටු කර ඇති බව හෝ ඔවුන්ගේ ප්‍රසිද්ධ ප්‍රකාශ නොමඟ යවන සුළු හෝ රැවටිලිකාර බවට Kmart වෙතින් සාක්ෂි අවශ්‍ය බව එම කණ්ඩායම පවසා සිටිනවා.

චීනයේ බලහත්කාර ශ්‍රමයෙන් ලාභ නොලබන බවට Kmart සහතික විය යුතු බව සංගමයේ සභාපති Ramila Chanisheff පැවසුවාය.

මෙම වෙළඳ ආයතනය තම සැපයුම් දාමය තුළ බලහත්කාර ශ්‍රමය භාවිතා කර ඇති බවට නිරීක්ෂණය කිරීමට අපොහොසත් වී ඇති බව ලේඛනවලින් පෙන්නුම් කරන්නේ නම්, නොමඟ යවන සහ රැවටිලිකාර හැසිරීමෙන් ඕස්ට්‍රේලියානු පාරිභෝගික නීතිය උල්ලංඝනය කළ බවට චෝදනා එල්ල වෙනවා.

Image Credit goes to by : http://sbs.com.au/news/article/police-charge-person-accused-of-verbally-abusing-woman-wearing-pro-palestinian-shirt-in-kmart/818cjfxzb