මුල් ළමාවිය අධ්‍යාපන සේවකයින්ට වසර දෙකකින් 15%ක වැටුප් වැඩිවීමක් ලැබේ

මුල් ළමාවිය අධ්‍යාපන සේවකයින්ට දෙසැම්බර් මාසයේ සිට ඉදිරි වසර දෙක තුළ 15% වැටුප් වැඩිවීමක් ලැබීමට කටයුතු සූදානම් කෙරේ.මෙම ඩොලර් බිලියන 3.6 සැලැස්ම තුලින් සාමාන්‍ය සතිපතා වැටුප් ඩොලර් 103 කින් පමණ ඉහල නංවනු ඇත. වැටුප් වැඩිවීම මෙම අංශය තුල දීර්ඝ කාලයක් තිස්සේ පවතින අඩු වැටුප්වලට විසඳුම් සෙවීම සහ ළමා සුරැකුම් ගාස්තු සැලකිය යුතු ලෙස වැඩි වීම වැලැක්වීමට උපකාරී වේ. අගමැති Anthony Albanese මෙය නිවේදනය කළේ, ළමා රැකවරණය වැනි කාන්තා ආධිපත්‍යය දරන කර්මාන්ත බොහෝ විට අවතක්සේරු කර ඇති බව පෙන්වා දෙමිනි.මෙම වැටුප් වැඩිවීම තුලින් මුල් ළමාවිය අධ්‍යාපනඥයින්ගේ තීරණාත්මක කාර්යභාරය හඳුනා ගැනීම සහ දරුවන්ගේ රැකවරණයේ ගුණාත්මකභාවය ඉහළ නැංවීම සඳහා පියවරක් බව ඔහු අවධාරණය කළේය.