ගනුදෙනුකරුවන් සම්බන්ධ ප්‍රචණ්ඩකාරී සිදුවීම්වල කලබලකාරී තත්ත්වය වැඩිවීමට ප්‍රතිචාර වශයෙන් නව ක්‍රියාමාර්ගයක් ගෙන ඇත.ඕස්ට්‍රේලියානු වෙළදාමේ දැවැන්තයින් වන Bunnings, Coles සහ Woolworths යන සමාගම් විසින් සේවකයින්ගේ ආරක්ෂාව වැඩි කිරීමට සහ සේවකයින් ආරක්ෂා කිරීමට කාර්ය මණ්ඩලයට ශරීරයට පැළදීමට හැකි කැමරා ලබා දීමට කටයුතු කර ඇත.
කායික, වාචික සහ ලිංගික හිංසනයන් වැඩිවීම මෙන්ම ආයුධ භාවිතය සහ සොරකම් කිරීම යනාදී උද්ගත වූ විශාල ප්‍රශ්න සදහා විසදුමක් වශයෙන් රට පුරා පිහිටි මෙම සමාගම්වල වෙළඳසැල්වලට කැමරා අත්හදා බැලීමට සහ ක්‍රියාත්මක කිරීමට පොළඹවා ඇත. 2022 දී තාක්‍ෂණය පිළිබද පරීක්ෂා කිරීම ආරම්භ කළ අතර, එහි කාර්ය මණ්ඩලය විසින් දැන් තර්ජනාත්මක තත්වයන් කළමනාකරණය කිරීමට “කණ්ඩායම් ආරක්ෂණ කැමරා” භාවිතා කරන බව තහවුරු කර ඇත.
වැඩිවන සොරකම් සහ අපයෝජනයන්ට විසඳුම් සෙවීම සඳහා Coles විසින් සැප්තැම්බර් මාසයේදී body කැමරා එළිදැක්වීමට පටන් ගත් අතර, එවැනි පියවරයන් මගින් කඩාකප්පල්කාරී ගනුදෙනුකරුවන්ගෙන් කම්කරුවන් ආරක්ෂා කිරීම අරමුණු කර ගෙන ඇති බව අවධාරණය කරයි. මෙම ක්‍රියාවන් ආරක්ෂාව සහතික කිරීමේ පුළුල් ප්‍රයත්නවල කොටසක් බව සමාගම් දෙකම අවධාරණය කරයි, එයට ආරක්ෂක නිලධාරීන් සහ CCTV නිරීක්ෂණ ද ඇතුළත් වේ.
