දශක දෙකකට ආසන්න කාලයක් ලොව  පුරා මිලියන ගණනක් පරිශීලකයන් සිය වීඩියෝ ඇමතුම් සේවාව වන Skype, එළැඹෙන මැයි මාසයේදී වසා දැමීමේ තීරණයක් ගෙන ඇති බව  එහි හිමිකරු මයික්‍රොසොෆ්ට් ප්‍රකාශයක් නිකුත් කර තිබේ. එක්ස් පණිවිඩයක්  නිකුත් කරමින් මයික්‍රොසොෆ්ට් සමාගම එම තීරණය දැනුම් දී තිබේ. එය වරක් ලෝකයේ වඩාත්ම ජනප්‍රිය වෙබ් අඩවිවලින් එකක් වූ ස්කයිප් ලොව පුරා සිටින මිතුරන්ට සහ පවුලේ අයට තම පරිගණක හරහා හඬ ඇමතුම් ලබා ගැනීමට ඉඩ ලබා දුන් යෙදවුමකි. Skype වෙබ් අඩවිය මයික්‍රොසොෆ්ට් සමාගම විසින් මීට වසර 14කට පෙර මිලදී ගනු ලැබුවේ අමෙරිකානු ඩොලර් බිලියන 8.5ක මුදලකට බව විදෙස් මාධ්‍ය වාර්තා කරයි. Skype මෙම සේවාව ලබා දෙන පළමු හෝ එකම සමාගම නොවූවත්, මහජනතාවට පරිගණකයෙන් පරිගණකයට ඇමතුම් ලබා දීම පහසු කිරීම මගින් එය එකල ජනප්‍රිය යෙදවුමක් විය.