ගෙදර කුස්සියේ තියෙන Freezer එක කියන්නේ ගොඩක් අයට නිතරම අමතක වෙන, නැත්නම් සුද්ධ කරන්න කම්මැලි වෙන තැනක්. කෑම ජාති ගෙනත් ඔබලා දාලා අමතක කරලා දාන්න ලේසි වුණාට, Freezer එක නිතර නොවුණත් යම් කාල පරාසයකට සැරයක් සුද්ධ කරන එක හරිම වැදගත්.

හැබැයි මෙතනදී ගොඩක් දෙනෙක් හිතන්නේ මේක කරන්නේ විෂබීජ නැති කරන්න විතරයි කියලා. ඇත්තටම ඒක සනීපාරක්ෂාවටත් වඩා කෑමවල Quality එක රැකගන්නයි, Appliance එකේ Efficiency රැකගන්නයි බලපාන ප්‍රධාන කරුණක්.

Freezer එක Clean කිරීම ඇත්තටම වැදගත් ඇයි?

ඕස්ට්‍රේලියාවේ UNSW විශ්වවිද්‍යාලයේ Food Microbiologist ආචාර්ය Julian Cox පවසන පරිදි, කෑම වර්ග හොඳින් සීල් කරපු Containers වල දාලා Freeze කරනවා නම්, විෂබීජ හෝ බැක්ටීරියා නිසා ක්ෂණික ආහාර විෂවීම් සිදුවීමේ ලොකු අවදානමක් නෑ. මොකද බැක්ටීරියාවන්ට ජීවත් වෙන්න වතුර ඕන වුණාට, Freezer එක ඇතුළේ වතුර තියෙන්නේ මිදීලා Ice විදිහට නිසා ඔවුන්ට අවශ්‍ය  හිතකර පරිසරය එතැනදී ලැබෙන්නේ නැහැ.

හැබැයි, Freezer එක ඇතුළේ තියෙන දේවල් ගැන නිතරම ඇසින් පරීක්ෂා කරලා බලන එක වැදගත් වෙන්නේ මෙන්න මේ හේතු නිසයි.

ආහාරවල Structure එක සහ Texture එක වෙනස් වීම: ගෙදර පාවිච්චි කරන සාමාන්‍ය Freezer වල කෑම මිදෙන්නේ හිමින්. ඒ නිසා ලොකු Ice Crystals හැදිලා කෑමවල තිබෙන පදාර්ථ වලට හානි වෙනවා. විශේෂයෙන්ම වතුර ගතිය වැඩි එළවළු සහ පලතුරු වල Quality එක ඉක්මනින් අඩුවෙනවා. චීස්, මස් වගේ Fat/Protein වැඩි දේවල් කාලයක් තියාගන්න පුළුවන්.

කෑම Waste වෙන එක නතර කරගැනීම: දාන දේවල්වල Date එක Label කරලා Sticker එකක් අලවන්න. පරණ දේවල් කලින් පාවිච්චි කරන්න.

ඕනවට වඩා Overpack කළොත් මොකද වෙන්නේ?

Modern Freezers වල සිසිල් සුළඟ (Cold air) එන්නේ පිටුපසින්. ඊටපස්සේ ඒ සුළඟ මුළු Freezer එක පුරාම ගමන් කරනවා.

ඔයා Freezer එක ඇතුළට ඕනවට වඩා කෑම ජාති තද කරලා ඔබලා තිබ්බොත්, ඒ Cold Air Circulation එක හරියට වෙන්නේ නැහැ. මේකේ ප්‍රතිඵලය වෙන්නේ Freezer එකේ ඉදිරිපස තියෙන කෑම වර්ග මෙලෙක් වී නරක් වෙන්න පටන් ගැනීම!

Freezer එකක් කොච්චර කාලෙකට සැරයක් Clean කරන්න ඕනෙද?

Deep Clean එකක්: අවුරුද්දකට පාරක් හෝ දෙපාරක් හොඳ Deep Clean එකක් දීම ප්‍රමාණවත්.

Quick Wipe එකක්: මාස කිහිපයකට සැරයක් මතුපිට පිසදමා, හැදෙන අයිස් තට්ටු (Frost) අයින් කරන්න.

Defrost කරන්නේ කොහොමද? 

අලුත් “Frost-free” Freezer වල නම් පැය 8-12 කට සැරයක් ඇතුළෙන්ම Heater එකක් Auto-on වෙලා හිම දිය කරනවා. හැබැයි පැරණි “Cyclic-defrost” models වල නම් අපිම Manual Defrost කරන්න ඕනේ.

Freezer එක ඇතුළේ බැඳෙන හිම තට්ටුව 5mm ට වඩා වැඩි වෙන්න දෙන්න එපා. ඊට වඩා හිම තට්ටුව වැඩි වුණොත්, Freezer එක Cool එකේ තියාගන්න, Compressor එකට වැඩි ශක්තියක් යොදවන්න වෙනවා.

Defrost කරද්දී නොකළ යුතු සහ කළ යුතු දේවල්

වැරදි ක්‍රමය: පිහි, කතුරු හෝ තියුණු උපකරණවලින් අයිස් කඩන්න යන්න එපා. ඒ මගින් Freezer එකේ ඇතුළත Pipes පවා damage වෙන්න පුළුවන්.

නිවැරදි ක්‍රමය: Switch Off කරලා, රස්නෙ වතුර එකතු කරපු bowls කිහිපයක් ඇතුළෙන් තියන්න. අයිස් ඉක්මනින් දිය වේවි.

කෑම පරිස්සම් කරගන්න: Switch Off කරන්න කලින් ඇතුළේ තියෙන කෑම ටික Fridge එකේ වෙනත් කොටසකට, නැත්නම් Ice Bricks දාපු Insulated Bag එකකට මාරු කරන්න.

Clean කරන්න පාවිච්චි කරන්නේ මොනවාද?

Bicarb Soda + Water: හොඳටම හරියන, ආරක්ෂිතම සහ “Tried and True” ක්‍රමය තමයි මේක. වතුර Spray bottle එකකට Bicarb Soda තේ හැන්දක් විතර දාලා දියකරලා මතුපිට පිසදමන්න.

Diluted Bleach: ඔයාට තව ටිකක් Sanitise කරගන්නම ඕනේ නම්, කුස්සියට සුදුසු Diluted Cleaning Bleach එකක් ඉතාම අඩු ප්‍රමාණයකින් පාවිච්චි කරන්න පුළුවන්. ඊටපස්සේ හොඳට වතුරෙන් පිසදමා වියළා ගන්න.

තවත් Extra Tips කිහිපයක්!

Rubber Seals (ගෑස්කට්) පරීක්ෂා කරන්න: Door Seals සබන් වතුරෙන් පිසදමන්න. ඒවයේ පැලුම්/ඉරිතැලීම් තියෙනවා නම් පිටතින් හුළං ඇතුළට ඇවිත් හිම තට්ටු ඉක්මනින් බැඳෙනවා.

Condenser Coil එක Vacuum කරන්න: Freezer එක පිටිපස්සේ හෝ යටින් තියෙන Condenser එකේ දූවිලි බැඳුනොත් රස්නය පිට කරන්න බැරුව යනවා. මාස 6කට සැරයක්වත් ඒ දූවිලි ටික Vacuum cleaner එකකින් Clean කිරීමෙන් Electricity Bill එකත් අඩු කරගන්න පුළුවන්!