RBA අද පස්වරුවේ, cash rate එක 4.35% ක් දක්වා ඉහළ දමා තිබෙනවා. ඉහළ යන උද්ධමනයත් සමඟ මෙලෙස cash rate එකේ වැඩි වීමක් සිදු කළ අතර 2026 දී එය ඉහළ දැමූ තුන්වන අවස්ථාව මෙයයි.
මැදපෙරදිග උත්සන්න වන තත්ත්වය හේතුවෙන් තෙල් මිල ඉහළ යාමෙන් පසුව, දේශීය කොටස් වෙළඳපොළ පහත වැටුණා.
ඒ අනුවයි Reserve Bank of Australia (RBA), cash rate එක 0.25% කින් වැඩි කර ඇත්තේ.
මෙම වැඩිවීමත් සමග cash rate එක, එහි පශ්චාත් COVID සමයේ තිබූ උපරිමය වන 4.35% දක්වා ආපසු ගෙන ගොස් ඇති අතර එය 2011 නොවැම්බර් මාසයෙන් පසු වාර්තා වන ඉහළම මට්ටමයි.
RBA එහි cash rate target එක අඛණ්ඩව වැඩි කළ තුන්වන මාසය ද මෙය වෙනවා.
“big four” banks ද ඇතුළුව බොහෝ ආර්ථික විද්යාඥයින් පුරෝකථනය කර තිබුණේ උද්ධමන පීඩනය හේතුවෙන් rates ඉහළ යනු ඇති බවයි.
ඔයා variable-rate home loan එකක් ලබා ගන්නවා නම්, මෙයින් අදහස් කරන්නේ ඔබේ බැංකුව, rate එක වැඩිවීම සම්මත කළහොත් සහ එය සම්මත කළ විට ඔබේ mortgage repayments වැඩි වන බවයි.
ඒ අනුව ඔයා ලබාගෙන තිබෙන ණය ආදිය සඳහා සෑම මසකම කලින් ගෙවූ මුදලට වඩා වැඩි මුදලක් ගෙවීමට සිදු වෙන්න පුළුවන්.
Reserve Bank of Australia, national cash rate එක වැඩි කිරීමට ගත් තීරණයෙන් පසු පොලී අනුපාත ඉහළ දැමූ මුල්ම බැංකු බවට Macquarie Bank සහ Commonwealth Bank of Australia (CBA) පත්ව තිබෙනවා.
