Melbourne නගරයේ ප්‍රසිද්ධ ස්ථානයක් වන Evan Walker Bridge පාලම, ශාක විසින් නිකුත් කරන විශේෂිත රසායනික සංඥාවකින් සහ ඝන මීදුමකින් සම්පූර්ණයෙන්ම වැසී යන අපූරු අත්දැකීමක් විඳගන්න දැන් ඔබටත් අවස්ථාව තියෙනවා.

‘The Falls Before Us’ ලෙස නම් කර ඇති මෙම නිර්මාණය, Now or Never කලා උළෙලට සමගාමීව ඉදිරිපත් කරන විශේෂිත කලා අත්දැකීමක්.

මොකක්ද මේකේ තියෙන විශේෂත්වය?

විශිෂ්ට කලාකාරිනියක් වන Emily Parsons-Lord විසින් නිර්මාණය කරන ලද මෙම දැවැන්ත කලා නිර්මාණයේදී විශේෂ Dense mist එකක් සමඟ Methyl Jasmonate නමැති ස්වාභාවික සංයෝගය මුසු කර තිබෙනවා.

ශාකවල භාෂාව: ශාක යම් පීඩනයකට හෝ ආතතියකට ලක්වූ විට පරිසරයට මුදාහරින මෙම රසායනිකය හරහා, මිනිස් බුද්ධියට එහා ගිය ස්වාභාවික පරිසරයේ සන්නිවේදනය සහ බුද්ධිමත්භාවය සංකේතවත් කෙරෙනවා.

අතීතය සහ අනාගතය අතර සංඥාවක් අතීතයේ පැවති වනාන්තර සහ අනාගතයේ නිර්මාණය වන ස්වාභාවික පරිසරය අතර සම්බන්ධය මෙන්ම, වර්තමානයේ අප මුහුණදෙන නොසන්සුන් කාලගුණික සහ පරිසර විපර්යාසයන් පිළිබඳව නැවත සිතාබැලීමට මෙය අපව පොළඹවනවා.

The Falls Before Us

ඇතුළුවීම සම්පූර්ණයෙන්ම නොමිලේ (Free)

කුඩා ළමුන් සහ පවුලේ සැමටම එකසේ නැරඹිය හැක (Family and kids)

Evan Walker Bridge (Southbank Pedestrian Bridge, VIC 3000)

Thu 20 Aug – Sun 30 Aug 

6pm – 10pm

සති අන්තයේ පවුලේ අය සහ ළමුන් එක්ක ගිහින් නොමිලේ විඳගන්න පුළුවන් මේ ඉතාම වෙනස්, සුන්දර වගේම අර්ථවත් අත්දැකීම විඳගන්න!

Image credit: whatson.melbourne.vic.gov.au