Queensland තුළ අවු.පහට අඩු ළමුන් අතර උණ ආශ්‍රිත රෝහල් ගත වීම්වල තියුණු වැඩිවීමක් සිදුවෙමින් පවතී. සතියක් තුළදී රෝහල්වලට ඇතුළත් කරන ලද කුඩා ළමුන් සංඛ්‍යාව 13 සිට 28 දක්වා ඉහළ ගොස් ඇත.අගෝස්තු 10 වන විට ප්‍රාන්තය පුරා උණ රෝගයෙන් පුද්ගලයින් 364 දෙනෙකු රෝහල් ගත කර ඇත.සෞඛ්‍ය අමාත්‍ය ෂැනන් ෆෙන්ටිමන් සහ මහ ඇමති ස්ටීවන් මයිල්ස් මෙම භයානක වැඩිවීම ගැන කනගාටුව පළ කර ඇත.විශේෂයෙන් රෝහල් ගත කළ ළමුන්ගෙන් 15% කට වඩා අඩු ප්‍රමාණයක් පමණක් එන්නත් ලබාගෙන ඇත.

වර්ධනය වන සෞඛ්‍ය ගැටලුව විසඳීම සඳහා, ක්වීන්ස්ලන්ත නිලධාරීන් එන්නත් ලබා ගැනීම සිදු කරන ලෙස ජනතාවගෙන් ඉල්ලා සිටී. සැප්තැම්බර් 30 දක්වා මාස හයකට වැඩි සියලුම ක්වීන්ස්ලන්ත වැසියන්ට නොමිලේ උණ එන්නත් ලබා ගත හැකිය.උණ සමය අගෝස්තු අවසානය දක්වා පවතිනු ඇතැයි අපේක්ෂා කරන අතර සීතල කාලගුණය නිසා තත්ත්වය තවත් උග්‍ර විය හැකි බව පැවසේ.සෞඛ්‍ය බලධාරීන් අවධාරණය කරන්නේ උණ රෝගයෙන් ආරක්ෂා වීමට සහ රෝහල්ගතවීම් තවදුරටත් වැඩිවීම වැළැක්වීම සඳහා ජනතාව විසින් එන්නත් ලබා ගැනීම ඉතා වැදගත් බවයි.