වික්ටෝරියා ප්‍රාන්තයේ ඇදුම සහ hay fever රෝගීන්ට අද (27) දිනයේ දී කුණාටු සහ අකුණු හේතුවෙන් ඇදුම වසංගතයක් ඇතිවිය හැකි බවට අනතුරු අඟවයි.එසේ වීමට හේතුව වන්නේ කුණාටු හරහා අසාත්මිකතා පැතිරී අනතුරුදායක තත්ත්වයක් ඇති කළ හැකි බැවිනි. 

මෙල්බර්න් නගරයට සහ නිරිතදිග වික්ටෝරියා ප්‍රදේශයේ ගිගුරුම් සහිත කාලගුණය හේතුවෙන් ඇදුම ඇතිවීමේ අවදානම වැඩි කරන බවත්, අද(27) පස්වරුවේ සහ සවස් වන විට දැඩි වර්ෂාවක් සහ දැඩි ගිගුරුම් සහිත වැසි ඇති වේ යැයි අපේක්ෂා කෙරේ. 

බටහිර සහ දකුණු ගිප්ස්ලන්ඩ් සමඟ උතුරු-මැද කලාපයේ ඉහළ අවදානමක් ඇති බවට පුරෝකථනය කර ඇති අතර, ඇදුම රෝගයෙන් පෙළෙන පුද්ගලයින්ට ඔවුන්ගේ ඖෂධ සෑම විටම රැගෙන යාමට උපදෙස් දී ඇත.

Deakin AirWatch හි පර්යේෂකයෙකු වන Kira Hughes අවධාරණය කළේ ඇදුම, hayfever හෝ අසාත්මිකතා ඇති පුද්ගලයින් ඖෂධ ළග තබා ගැනීම, ගෘහස්ථව සිටීම හෝ ඔවුන්ට පිටතට යාමට අවශ්‍ය නම් මුහුණු ආවරණයක් පැළඳිය යුතු බවයි. 

ප්‍රාන්තයේ උතුරු ප්‍රදේශ අඩු අවදානමකට මුහුණ දෙන අතර,ඕස්ට්‍රේලියාවේ ස්ථාන පිළිබදව යාවත්කාලීන සපයන VicEmergency යෙදුම සහ Thunderstorm Asthma පිළිබදව අනාවැකි බෙදා ගන්නා Melbourne Pollen යෙදුම හරහා සම්බන්ධව සිටීමට මහජනතාව උනන්දු කරනු ලැබේ.

ගෝලීය වශයෙන් වෙනත් ප්‍රදේශවලට සාපේක්ෂව hay fever සිදුවීම් වික්ටෝරියා විසින් වාර්තා වී ඇති අතර, 2016 දී සිදු වූ දරුණුතම සිදුවීම මරණ 10ක් සිදු කරමින් සහ පුද්ගලයන් 10,000කට බලපෑවේය. හෙට(28) වන විට අවදානම පහව යනු ඇතැයි අපේක්ෂා කෙරේ.