ඔස්ට්‍රේලියාවේ විරැකියාව සඳහා ඇති නරකම තත්ත්වය පිළිබදව නව වාර්තාවක් විසින් ඉස්මතු කර ඇත.රැකියා ලබා ගැනීමේ හැකියාව සහ රැකියාවක් සොයන පුද්ගලයින් සංඛ්‍යාව අතර ඇති පරස්පරතාවය පිළිබදව ද හෙළි කර ඇත. 

Anglicare Australia හි Job Availability Snapshot පෙන්නුම් කරන්නේ උතුරු ප්‍රදේශයේ, පවතින සෑම රැකියාවක් සඳහාම පුද්ගලයින් 65ක් සිටින බවයි, එය රටේ ඉහළම අනුපාතයයි. ටස්මේනියාව එක් රැකියාවකට පුද්ගලයන් 50ක් සිටින අතර දකුණු ඕස්ට්‍රේලියාවේ එක් රැකියාවකට පුද්ගලයන් 43ක් සිටී.

දිගුකාලීන විරැකියාව ප්‍රධාන ගැටලුවක් බවත්, රැකියා විරහිතයන්ගෙන් තුනෙන් දෙකක් සාමාන්‍යයෙන් වසර හතරක කාලයක් රැකියාවෙන් බැහැරව සිටින බවත් වාර්තාව මගින් අනාවරණය වී ඇත. 

මීට අමතරව, ජීවන වියදම් අර්බුදය උග්‍ර වන විට, ඕස්ට්‍රේලියානුවන් වැඩි ප්‍රමාණයක් දෙවන රැකියාවල නිරත වන අතර, කම්කරුවන්ගෙන් 6.9% ක් පමණ රැකියා කිහිපයක් හසුරුවන නමුත් බොහෝ විට එක් පූර්ණ කාලීන තනතුරක් ඇති අයට වඩා අඩු ආදායමක් උපයා ගනී.

Anglicare’s Kasy Chambers විසින් ඕස්ට්‍රේලියාවේ රැකියා පද්ධතිය ප්‍රතිසංස්කරණය කරන ලෙස ද ඉල්ලීම් කර ඇත.