ඔන්න Virgin Australia, Qatar Airways එක්ක එයාලගේ හවුල්කාරිත්වය සමරන්න මෙගා සේල් එකක් දියත් කරලා තියනවා. මේක මගින් ඕස්ට්‍රේලියානුවන්ට ජාත්‍යන්තර ගමනාන්ත 170 කට වැඩි ගණනකට පියාසර කිරීමට අවස්ථාව ලැබෙනවා. මෙයාලගේ නව හවුල්කාරිත්වය යටතේ සිඩ්නි සිට දෝහා දක්වා දිගු දුර ජාත්‍යන්තර ගුවන් ගමන් සඳහා ඕස්ට්‍රේලියානුවන්ට අවස්ථාව ලැබෙනු ඇති අතර එමඟින් කටාර්හි ගෝලීය ජාලය හරහා යුරෝපය, මැද පෙරදිග සහ අප්‍රිකාව යන නව මාර්ග සඳහා ද ඉඩක් ලැබෙනවා.

Virgin හි මේ අලුත්ම “සැමරුම් ගාස්තු” මඟින් දේශීය ගාස්තු, දෝහා වෙත සමහර තෝරාගත් ගාස්තු සහ යුරෝපයේ ගමනාන්ත වෙත 15%ක් දක්වා වට්ටම් ලබා දෙනවා.මෙම අඩු කළ ගාස්තු 2025 ඔක්තෝබර් 16 සිට 2026 මාර්තු 31 දක්වා වලංගු වෙනවා.බ්‍රිස්බේන් සිට ගුවන් ගමන් ජුනි 19 සිටත්, පර්ත් ජුනි 26 සිට සහ මෙල්බර්න් සිට දෙසැම්බර් මාසයේදී ත් ගුවන් ගමන් ආරම්භ වීමට නියමිතයි.

මෙම දියත් කිරීම Virgin Australia සහ Qatar Airways හවුල්කාරිත්වයේ සැලකිය යුතු පරිණාමයක් නියෝජනය කරන බවද ඔවුන් ප්‍රකාශ කර තිබුණා.මෙම නව සේවාවන් ඉදිරි වසර පහ තුළ ඕස්ට්‍රේලියාව තුළ ඩොලර් බිලියන 3 කට වඩා ආර්ථික ක්‍රියාකාරකම් ජනනය කරනු ඇතැයි අපේක්ෂා කරන අතර, ජාත්‍යන්තර සංචාරකයින්ගේ අපේක්ෂිත වැඩිවීමක් ද මෙමගින් බලාපොරොත්තු වෙනවා.

ඕස්ට්‍රේලියාව සහ දෝහා අතර නිතර පියාසර කරන සාමාජිකයින්ට ඔක්තෝබර් 1 සිට මැයි 27 දක්වා කාලය තුළ ගුවන් ගමන් සඳහා 50% ක Bonus Status Credits ලබා දෙනු ඇත.Platinum සාමාජිකයින්ට සුදුසුකම් ලත් ගුවන් ගමන් සඳහා අමතර 100% ක bonus points ලැබෙනු ඇත, ඉන්පසු Gold සාමාජිකයින් සඳහා 75% ක් සහ Silver සාමාජිකයින් සඳහා 50% ක් ලැබෙනු ඇත.

මෙම exclusive sale එක ජුනි 30 වන දින තෙක් හෝ දීමනා අවසන් වනතුරු ඔබට ලබාගත හැක.Virgin Australia ප්‍රධාන විධායක නිලධාරී ඩේව් එමර්සන් පැවසුවේ සිඩ්නි සිට දෝහා දක්වා පියාසර කිරීමට අපේක්ෂා කරන ගනුදෙනුකරුවන්ට කටාර් එයාර්වේස් හි world class aircrafts යානා වල “ඉහළ සේවාවක්” අත්විඳිය හැකි බවයි.මීට අමතරව තවත් විශේෂ වරප්‍රසාද රැසක් ඔබට ලබා දීමට ඔවුන් අපේක්ෂාවෙන් සිටියි.