කලින් articles වලින් අපි කතා කළා ඕස්ට්‍රේලියාවේ උසස් අධ්‍යාපනය හදාරන්න ඉන්න ඔයා කොහොමද අධ්‍යාපනයට හොඳම තැන තෝරාගන්නේ කියන එක. ඒ වගේම ඔස්ට්‍රේලියානුවෙක් විදිහට ඔයාට පහසුවෙන් ලබාගන්න පුළුවන් නවසීලන්තයේ උසස් අධ්‍යාපන අවස්ථා, ඒ සඳහා යන වියදම් ආදිය ගැනත් අපි කලින් articles වලින් කතා කළා.
අද බලමු ඕස්ට්‍රේලියාවේ උසස් අධ්‍යාපනය හදාරන ඔයාට ශිෂ්‍යයෙක් විදිහට ලබාගන්න පුළුවන් නවාතැන් පහසුකම් ගැන. ඔයාට ලබාගන්න පුළුවන් නවාතැන් වර්ග කිහිපයක්ම තියෙනවා.
- Short-term accommodation
- Renting a house or apartment
- Managed student accommodation
- University-managed accommodation
- Residential colleges
- Homestay
මේ එක එකක් ගැන අපි වෙන වෙනම සලකා බලමු.
Short-term accommodation – කෙටි කාලීන නවාතැන්
අලුත් නගරයට හුරුපුරුදු වන තෙක් බොහෝ ජාත්‍යන්තර සිසුන් කෙටි කාලීන නවාතැන් වල රැඳී සිටිනවා. මේ තාවකාලික නවාතැන් අතර හෝටල්, නේවාසිකාගාර සහ වෙනත් තාවකාලික විකල්ප තිබෙනවා. සුදුසු නවාතැන් සොයා ගැනීම සඳහා උපදෙස් සහ සහාය ඔයාගේ අධ්‍යාපන ආයතනයෙන්ද ලබා ගන්න පුළුවන්.
Renting a house or apartment – නිවසක් හෝ මහල් නිවාසයක් කුලියට ගැනීම
ඔයාට තනිවම හෝ මිතුරන් කිහිප දෙනෙක් සමඟ එකතු වෙලා සුදුසු ස්ථානයක් කුලියට ගැනීමට හෝ බදු ගැනීමට පුළුවන්. මෙය දේපළ වෙළඳාම් නියෝජිතයෙකු හරහා හෝ පෞද්ගලිකව හිමිකරුගෙන් සෘජුවම කුලියට ලබාගන්න පුළුවන්.
මේ විදිහට නිවසක් හවුලේ භාවිත කිරීම වියදම් අඩු කරගැනීමට බහුලව භාවිත වන ක්‍රමයක්. ඔයාගේ අධ්‍යාපන ආයතනයේ දැන්වීම් පුවරු වල වගේම Flatmate Finders හෝ Flatmates.com.au වැනි sharehouse websites වල කුලී සහ බෙදාගැනීමේ නිවාස විකල්ප බොහෝ විට පළ කර තිබෙනවා.
ඔබ නිවසක් හෝ මහල් නිවාසයක් කුලියට ගන්නවා නම්, ඔයාට security deposit එකක්, එහෙමත් නැත්නම් ‘bond’ එකක් ගෙවීමට සිදු වෙනවා. එය සාමාන්‍යයෙන් සති හතරක කුලියකට සමාන වටිනාකමක්. සාමාන්‍යයෙන් ඔබේ කුලී නිවැසියන්ගේ පළමු සති හතර ආවරණය කිරීමට ඔයාට කල්තියා කුලියක් ගෙවීමටත් සිදු වෙන්න පුළුවන්. මෙම මුදල් සෑම ඕස්ට්‍රේලියානු ප්‍රාන්තයකම හෝ භූමියකම අදාළ ප්‍රාන්ත රජයේ දෙපාර්තමේන්තුව විසින් පාලනය කෙරෙනවා.
කුලියට හෝ කොටස් කළ නිවසක් සෙවීම ආරම්භ කිරීමට පෙර ඔබේ අයිතිවාසිකම් ගැන දැන සිටීමත් ඔයාට වැදගත් වෙනවා. ඒ දේවල් ගැන වගේම ඔයාට ලබාගන්න පුළුවන් තවත් නවාතැන් විකල්ප ගැන අපි ඉදිරියේදී කතා කරමු.
